ولدى طيب جدا

عندي ولد بيدخل المدرسة هذي السنه ان شاء الله , مشكلته انه طييييييييييييييييييييييب لابعد الحدود وقلبه طاهروالاولاد اللي حوله يستغلون طيبته , طبعا كل اللي في سنه بنات والاولاد اكبر منه اصغر واحد فيهم بينه وبين ولدي سنتين وشوي , فاتلاقونهم يستغلونه يعني مثلا يلعبون معه كراتيه وهم طبعا اكبر منه !
فتلاقونه هو يضحك وهم مستمتعين ؟ بقوس وترجيف واذا جاني وجهه احمر ويصب عرق!
مره دخلت عليهم ولقيت ولدي منبطح على الارض وواحد من العيال فوقه , ووجه احمر ويالله يقدر يصارخ ؟
واذا قعت معه وقعدت انصحه , اولا مايلقيني بال واذا عصبت عليه يقوم يحط اللوم عليهم ويقعد يصيح !
احترت معاه خصوصا انه بيدرس هالسنه ومادري وش بيصير معه الان هوتحت نظر لكن اذا درس؟؟؟؟؟؟؟
بعد فيه ميزه انه حرررررررك بزياده , لكن الحمدلله مايعتدي على احد , بس مشكلته انه يقع في شر اعماله ؟
يعني مثلا واحد من عيال عمته ذكي , يجي يحارشه برى وبعدين يدخل البيت و يلحقه ولدي فا يقول ولد عمته هو البادي شوفوه ؟؟؟؟؟؟؟؟؟؟؟؟
فايهاوشون ولدي !!!!!!!!
وهو سبحان الله ماياخذ حقه يقهررررررررني مثلا اقوله قلهم انه هواللي اعتدى عليك يقوم يقول عادي مهب لازم ؟
غير كذا هو وجدته شيل وحط ؟ هي ماتبيه يتحرك وهو اذا شافها مادري وش يجيه مادري يحب يستفزها علشان دايما تهاوشه واي احد يطيح او يصيح اكيدهواللي طاقه واذا جا يلاعب البنات اللي في سنه تقولهمٍ لا هو جفس مايعرف يلعب لاتلاعبونه؟؟
فااحس انه ينقهر في داخله .
نسيت اقولكم هو يحب شي اسمه العاب كمبيوترودايما يقولي اشتري لي بلاي ستيشن او قيم بوي وانا رافضه هالفكره لان هذي الالعاب لها اضرار على الاعصاب , واذا كنا مجتمعين ووصلت معي اقوم اعطيه جوالي يلعب فيه منه يصد عنهم شوي ومنه ارتاح نفسيا , فاينسجم وخلاص ينسى العالم اللي حوله ؟؟؟؟؟؟؟؟؟
وش رايكم وشلون اتعامل معه؟؟؟؟؟؟؟