ولدى << قال لابوه يبه يبه ...طلق امى &&&

:icon33::icon33::icon33::icon33:مساء الخير على كل الى دخلن هنا <<<<<<


:44:والله اليوم انصدمنت من ولدى الى ربيته وتعبت عليه ودلعته وهذى اخره دلعى فيه يقول لابوه على العشاء يبه طلق امى وتزوج وحده ثانيه من الدمام انا خنقتنى العبره طفل بالعمر هذا ويقول هالكلام والمشكله ان زوجى هو الى يشجعه وولدى عمره 7 وداخل الله يحفظه على 8 اكيد انه صغير على هالكلام ادرى بس والله حزه بخاطرى وطيرت النوم من عينى لا ن ابوه دايم يصارخ ويها وش على بسبب وبدون سبب لانه هو عصبى واشياء تافهه تعصبه
وددايم يحاول يقلل من احترامى عندهم مثلا يقوله اذالا ركبنا السياره اركب قدام وخلى امك ورا


ولا يقوله انا وعيالى نبى نسا فر وانتى الى راح تخربين علينا السفره وهو لاهو ناوى ولا شى بس يواعدهم على الفاضى وديم يحس بناتى انهم يبون يعيشون بسعاده اهم شى انا ماكون موجوده معهم من زمان وهو يحاول يزرع فيهم هالشى وخا صه اذا تزاعلنا ياخذ بناتى ويمشيهن ويطلب لهم من المطعم بس علشان يقهرنى وانا والله ان شفت بناتى مبسوطات انبسط معهن ولا ابين له انى انقهرت ولا شى وانا الى يقهرنى تصرفاته مع ولدى ودايم اقوله الى تزرعه اليوم بكرا تحصده والكلمه الى يقولونها لى اليوم بكرا يقولونها لك

لان الحب يطلع على بذره ولدى الله يحفظه مدرى كيف اتصرف معه انا هاوشته بلحظتها وقلت خلى ابوك يتزوج مارديته قال انا ابى ........... قلت ان شاء الله تقطعك بكياس وتملحك وهو سمعت وسكت


بس والله بعد هالموقف تكدرت مره بالعاده اذا تهاوشنا انا وابوه يقول يمه ليه ماتطلقين ابوى انا اصرف الموضوع اشوفه قلب على هالمره

ولا امس عند التلفزيون سمع مصارع يصرخ قال تشبه صوت امى :mad::mad::mad:انا هنا تنحت وهاوشته لانى فعلا اذا عصبت عليه اصارخ عليه لانه يطفشنى ولا ودى اضربه واطلع حرتى بصراخ عليه وهو للحين ينام معى بالغرفه ولا يستغنى عنى الله يخليه لى
وابوه فى غرفه لحاله من زمااااااااااااان هو بختياره طلع منها مو من عيالى لانه يبى يغازل ويكلم على كيفه تالى الليل

الحين وشلون ارجع كرامتى الى هدرها ولدى عند ابوه الحين ابوه يبى يفرح على يقول ولدها وشهد عليها اجل محد يبى يلومنى ياحررررررررررررررررتى