ولدى والدراسه

والله ياقلبي ....قلبي معاك لانه عندي نفس الحاله بس ولدي 8 سنوات العام بغيت امووووت منه
بس اول شي علميه كيف يركز(لانه اذا ماركز كانك ماسويتي شئ) وقربي له الالفاظ بالفاظ ابسط واشتري له بابا سلام واتركيه يعتمد على نفسه مثلا علميه كيف يعيد الايه ويرددها وقولي له باروح شوئ وارجع بلاقيك حافظها وتاكدي من الاستاذ لان بعض الاساتذه يتركون الحفظ للبيت

الله يسعدك حبيبتى رديتى عليه والله الاستاذ كثير يقول ممتاز على ايش ماادرى الولد عندى مايقرا وعنده ممتاز وولدى مشكله التركيز اقول شى وهو يسولف فى شى ثانى

وينكم بنات مافى وحده عندها طريقه حلوه اقدر اوصل فيها المعلومه لولدى اللى رافع ضغطى

كثير من الاولاد ما يكون عندهم تركيز على الدراسة ..
بقولك مجموعة اشياء ممكن يكون فيها حل وانتي شوفي اللي يناسب ولدك لان انتي اعلم فيه :

-اهم شيء الجانب النفسي :يعني انتي لاتحاولين تحسسينه ان عنده مشكلة بالعكس شجعيه وحاولي باي اسلوب يكون وقت المذاكرة ممتع ..ودايما افتخري في انجازاته امام الاخرين عل مسمع منه ..ولما يحفظ ولو اية اسرع من العاده اثني عليه بعبارات التشجيع والاحتضان والتقبيل .
- وقت المذاكرة : لازم يكون وقتها مناسب ومريح لابنك سواء جسديا او نفسيا ..( مايكون مرهق او فيه نوم او في وقت برنامج مهم بالنسبه له ).

-طريقة المذاكرة : حاولي تكون قراءتك واضحة ومتأنية وماتكون سريعة .. ويفضل الوقوف عند الكلمات الصعبه عنده واطلبي منه ان يكررها واشرحي له معناها ..
ولا تذهبي للاية التاليه الا بعد ان يتقن الاولى بشكل جيد .. وكل ما حفظ ايه جديدة .. راجعي معه الاية التي قبلها .
يعني اذا حفظ الاية الاولى وانتقلتم الى الاية الثانية وحفظها لا تحفظيه الاية الثالثة الا بعد ان يعود لقراءة الايه الاولى مع الثانيه واذا رأيتي انه اجادها انتقلي للاية الثالثة .. وهكذا كلما انتهى من حفظ اية اجعليه يعود للقراءة من البداية لتكون مراجعة وتثبت في ذهنه ..
واذا لاحظتي انكم اختم وقت طويل وانه تعب وتشتت تركيزه وماهو قادري يستمر بشكل جيد .. اتركيه يكرر اللي حفظ لوحده( الايات التي حفظتيه فقط ولا يتجاوزها لما بعدها )..وبعدين ارجعي وسمعيه .

-احرصي على ان تحصنيه بقراءة الاوراد الشرعية .. وذكريه بقراءة دعاء الخروج من المنزل ..

- الغذاء : ركزي على الاغذيه المفيده بشكل عام .. وشوفي الاطعمة المفيدة في تنشيط الذاكرة ( وممن تعملي بحث في قوقل راح تلاقي وصفات كثيره )
وفيه وصفه سمعتها في اقرأ لدكتور له برنامج يتكلم فيه عن العلاج بالغذاء اعتقد اسمه القدسي على ماعتقد وله موقع على النت .
قال عن وصفه مفيده وطعمها مقبول للاطفال : وهي كوب حليب يوضع فيه تين مجفف وينقع طول الليل ويمكن يضاف له تمر ثم يوضع في الخلاط ويشرب .


والله يحفظ لك ولدك ويقربه عينيك .

الله يشرح صدرك ام رهف ماقصرتى والله صار وقت الحفظ ضرب من كثر ماتعب بسوى طريقتك وان شاء الله تنفع يارب