ولدي...طمنني عليه

السلام عليكم ياحلوات
بدخل بالموضوع طوالي
الله يسلمكن ولدي عمره ست سنوات ونص كان يتعبني ماينام بغرفته مع اخوه لازم طول الليل رايحين جاين من غرفتي لغرفته يجي يصحيني خايف واسمي عليه وارجع انومه بسريره وطول الليل كذا
بس من فتره الحمدلله صار ينام بسريره من يوم دخل المدرسه ولا صار يجيني لين الصبح اقومه للمدرسه لان انا وابوه دايما نقوله خلاص كبرت ودخلت المدرسه ولازم تنام بغرفتك مع اخوك
المهم امس اول مره يجيني باليل خرعني يقولي ماما اسمع صوت احد يتكلم😳
قمت قريت عليه ونومته قلتله مافيه شي يمكن اخوك تكلم وهو نايم 😂
ونام وبعد عشر دقايق جاني يبكي ويقول اشوف اثنين واقفين جنب سرير ركون😨اخوه
انا جمدت بمكاني ماقدرت حتى ارجعه سرسره خذيته بحنبي ونومته حتى ولدي الثاني ماقمت شفته من الخرعه عاد انا تالي الليل اصير خوافه من هالاشياء
وطول الليل مارتحت بالنومه لانه جنبي وقلتله انت ماقريت اية الكرسي قبل النوم قال بس قلت دعاء النوم قلتله لازم تقراها قبل لاتنام عشان نرتاح بالنوم
المهم يابنات هالشي صدق ولا لا يعني صحيح شاف اثنين ولا يتهياله ولاعشان ينام عندي مع انه له كم شهر ينام لحاله بسريره ومايجيني ولا يقوم مفزوع
وانا دايما احصنهم واستودعهم الله قبل النوم
ودايما البقره شغاله بالبيت وانا الحمدلله محافظه عليها وعلى الاذكار
والله اني منخرعه من امس قلت يمكن الولد فيه شي
تكفن فيه احد مر عليها كذا وفيه اطفال زي ولدي
طمننني😔😔