ولدي 🥺

بنات الله يسعدكم ولدي الصغير عمره ٣سنين و٤شهور من امس العصر بدأت بطنه تعوره على خفيف لين وقت نومه العشا سخن أعطيته مسكن ونام لين الساعة ٣ الفجر بدأ معاه إسهال الله يكرمكم ونام لين ٩الصباح قام وازداد الإسهال صار كل نص ساعة وجاه صداع والسخونة ماتخف الولد ماطب في فمه غير لقمتين موز ويجري الحمام و٣ملاعق كورن فلكس وعلى طول الحمام شهيته مسدودة يدوب يطلب مويا لين العصر ابوه جا وأخذه عند الدكتورة كتبت له مضاد ومسكن ومحلول جفاف وقاست حرارته تقول طبيعي مو مسخن والولد مولع ولا قالت لزوجي حتى إيش فيه وهو حتى ماسألها هل هي نزلة معوية ولا تسمم مع إنه ماأكل شي من برا وأكل عيالي كويس وصحي وماأعطيهم غير العصر حبة حلاوة ولا اسكريم ومو يوميا كمان مقهورة من زوجي ومن الدكتورة وولدي مو متقبل لا المضاد ولا المحلول وقالت حطو المحلول مع السفن اذا ماشربها مع الموية وسويت له ماتقبلها ابدا مع إنه يعشق السفن لو لقيه قدامه يخلص العلبة مااخذ غير المسكن عشان طعمه زي الحلاوة ولا رضي ياكل شي والاسهال مستمر مقهورة من زوجي والدكتو رة كل واحد أفغر من الثاني😭وشاكة انها اعراض كورونا مع انه جتنا انا وابوه وعيالي مافحصوهم قالو لنا اكيد فيهم إذا انتو فيكم وماجتهم اي اعراض بس انا وابوهم انا بستنى لين بكرة الصباح اذا ولدي ماخف بوديه الطوارئ بس حاليا أبغا طريقة يأخذ محلول الجفاف لان وجه شاحب وبشرته جافة ويدوب يمشي ومو راضي ياكل سويت له بطاطس مسلوق ورز مسلوق ومرق لحم حتى زبادي مارضي ياكل جيت معاه باللعب وخليت اخوه يشجعه معايا مارضي يغطي وجهه مايبغا يشوف اكل😭😭