انا كانت بنتي زي كذا نكد غير طبيعي حتى جاني فتاق الصرة من القهر ومن كثر ما أكتم على نفسي وخايفة تكره أخوها

لكن نفع أني طول الوقت أسوي تماثيل على الصغير قدامها

لما هي أجهزها للتحفيظ .. أقول لأخوها :لالا ماتروح انت لسا صغير مو زي أختك ..هي كبيرة وشاطرة ..هي مشغولة
لالا مافي خروج تقعد في البيت .. بس أختك تخرج ..عشانها كبيرة
لا ما تقدر تاكل انت صغير .. بس أختك عشانها كبيرة بس هي تاكل
وهكذا ... وهي عاد ماشاء الله صار راسها كبير وصارت تحن على أخوها وتحط نفسها وصية عليه
الحمدلله نفعت معها ..
شوفي جربي يمكن يهدأ .. ويتشجع ويحس بأهميته

انا مثلك ولدين وتوني جايبه البنت الحمدلله
وحركات ولدك عاديه
شوفي عشان لا اشدعليه ويعاندني
عملت له روضه في البيت
اطبعله اوراق وصور واجلس اعلمه وحفظته قرآن وتوحيد وطبعت له حروف منقطه ويحاول يكتب
وماشالله النشاط اللي فيه تحول لنقطه ايجابيه

يا قلبي إسكتي أنا مثلك
بس ولدي عمره 7 سنين وصاير يعااااند ويغث الله يصلحه
شوفي طريقتك حلوه بتعاملك معه لكن عندي ملاحظه
شكلك ماتستمرين بعقاااابه يعني تكتفين مره مرتين وبعدها تملين وهالطريقه
غلط ! لازم كل مايسوي شي يقهرك فيه تعاقبينه بالحرمااااان سواء من طلعه
أو من أيباد أو أي شي يحبه وماتلينين نهااااائي
وبالنسبه لإنه يتبول هذا مؤشر مو سهل نهاااائي الولد يعاااااني من الغيره
حتى لو حاولتي ماتسوين شي يثير غيرته وحتى لو كنتي تدارينه
الولد محتاج لقرررررربك منه أكثرررررر فضي نفسك قبل ينام وتسطحي معه بسريره
وقولي له حكايات مفيده عن السلوك الطيب ومن هالكلام حسسيه إنك قررريبه منه
آدري وضعك صعبك وخصوصا عندك طفلين يحتاجون رعااااايه بس الولد يحااااول
يوضح لك إنه بحااااجتك آكثر ويبي تكونين له وحده لذلك لازم تهدينه بالكلام
وتوضحين له لو بشكل مبسط إنه هو المهم عندك فرغي نفسك له
ولا راح تروح وتخف هالحاله إلا إذا دخل للتمهيدي وقتها بينشغل بعااالم ثاني
ويحس بإستقلاليته ويستووووعب العقاب آكثر وينضبط أكثر
هالمرحله يبغالك توسعين بالك معه قد ماتقدرين ولما يبول قولي له هالشي سر بينا
لحد يعرف بعدين يقولون هذا نونو يعني حسسيه بطريقه لطيفه إنه تصرفه هذا غير مقبول
وخليه يساااعدك بالعنايه بإخوانه لو بشكل بسيط بينبسط وتزيد الثقه بنفسه
يعني المرحله هذي على بعضها يحتااااج لها حكمه وبرضو لو تخلين أبوه ياخذه معه
مشوار سوبرماركت مكتبه ويقضي بعض الشغلات هنا بيكون مبسوط وبيحس إنه فعلا
كبير ولازم يتصرف غير أخوانه
كان الله في عونك وعوني وعون كل أم والله يعينا على تربيتهم

انا سمعت مره دكتور يقول حسسو الطفل الي يغار من الي اصغر منه انه هو احسن من الصغير وانه يعتمد على نفسه والصغير انا ناكله وانت تروح الحمام بنفسك وهو لازم حفاظه وانت تتكلم وهو لا ومن هذا القبيل يقول الدكتور باذن الله راح تشوفونه متغير اهم شي انك تستمرين وحسسيه ان اخوه الصغير يتعبك كثير وهو مايتعبك