ولدي إلى الآن رافض المدرسة !! تكفون أبي حل

السلام عليكم ورحمة الله وبركاته
خواتي والله اني تعبانه بسبب ابني الى الان رافض يروح المدرسة وكل يوم صياح ونياح يالله يقوم واذا قام يصييييييييييييييح ويبكي وينحاش واحيان ينخش بالدولاب واحيانا يدخل السيارة قبل ابوه ويقفل الباب عليه ..
وبالليل يجلس يبكي ويفكر ببكرة حتى وجهه تغير تخيلوا يسهر ويبكي ويقاوم النوم ويقول انا لحالي ما عندي احد وش اسوي به الى الان ثلاث مدارس اللي حاولت فيه يدخلها اول وحدة خاصة وحلوة حيل ومدرسها الابتدائي حيييييييل يمدحونه وكرهها يقول ما ابيها مع انهم يعطون هدايا كبيرة ويشجعون الاطفال وفيها مراجيح و .... الخ
ورفضها يقول بعيدة وجبناه بالقريبة وطلعت فل .. وجبناه عندنا بالتحفيظ قريبة وعلى باله كل ما بغى يطلع يطلع لانها قريبة للبيت ويبكي ويصيح وحالته حالة والله تعبني ..
وافكر افصله اخاف يتعقد ويكرهها .. وشرايكم
حتى اسم الله عليه تبارك الرحمن مو كسلان عشان اقول يكرهها لا ؟! ما ادري وشفيه حتى المدرسين يحبونه ويعاملونه زين بس ما ادري اخاف يقل مستواه ويكرهها ويتعقد ..
والصباح يبكيني معاه يضمني ويقول ابي اقعد عندك انا افكر فيك .. واذا جاء حتى ما يجلس عندي بس تحت عند عمامه ..
وشراكم افصله ؟؟
الله يفرج هم اللي يفيدني ..
الله يوفقكم دميا واخره اشيروا علي ما ادري وش اسوي ..