ولدي اتعبني حيييل شقي وعنيد

ياقلبي انتي
الله يخليه لك ويهديه يارب
الاطفال الله يصلحهم ماتفهمين لهم وش يبوون
ولاتحسبينه شقي من رداتك لا الهداوه والصلاح من ربي
اقري عليه وشغلي الرقيه بالبيت ان شاءالله يهدي شوي

حاااسه فيك والله
مالك الا الدعاء واحنا الايام هذي في ايام مباركه ماراح يردك ربي ان شاء الله خايبه
واذا عالزيارات لاهل زوجك لا تروحين الا من فتره لفتره واذا رحتي وسوى لك مشاكل قولي(ياخاله والله هذا اللي مايخليني اجيكم دايم علشان لا يبهذلني ويحوس عليكم )
واذ عالزيارات الثانيه خلي اهللك يتعذرون لك عند الناس بولدك وصدقيني الناس بتفهم
واذا عالمول اذا نويتي تروحين للمول حطي رساله تذكيريه في جوالله علشان العربيه علشان الشقي ماينفع يروح كذا الا بعربيه والا يروح اليوم مطارد في اسياب المول انتي وياه ،،


الله يجعل ولدك قرة عين لك ويجعل تعبك عليه راحه اك بعدين ويخليك له ويخليه لك ويصلحه ويهديه يااارب

الله يخليه لك يارب ويصلح ويصلح ولدي وكل اطفال المسلمين

صدقيني الطفل لااااازم يلتهي بشي والا بيضيع وقته بالصراخ والشقاوة والشغب
اشتري به دفاتر تلوين او حتى دفتر عادي وعطيه اقلام وخليه يضيع وقته بالكتابه ويطلع طاقته بالاوراق والاقلام
او خذي له سبوره وطباشير والله تلفتهم وتشد انتباههم
اشتري له الطاوله والكرسي اللي عليها اشكال كرتونيه ترى يحبووونها
الالعاب الخركيه اشتريها له مثل النطيطات والزحليقه البلاستيكيه
لانها تطلع طاقاتهم
وغير كذا حاولي تخصصين له لو ربع ساعه باليوم تلعبين فيها معه علشان يحس انه مهم
وابعدي عن صيغة الامر بكلباتك منه
يعني مثلا بدال ماتقولين رح شيل العابك قولي له حبيبي انت ولد مرتب وش رايك تشيل الالعاب علشان يصير بيتنا حلو واذا رفض قولي انا وياك نرتبها ونشوف من يشيل اكثر

وجربي معه حركة الجدول والنجوم يمدحونها مره بس انا صراحه ماجربتها كل مره اتكيسل
كل ما صار هادي حطي له نجمه واذا سوى شقاوة وشغب حطي له اكس

يارب تشوفينه كبير وعاقل وينضرب فيه المثل برجولته يااارب وولدي وكل اولاد المسلمين



دعواتكم لولدي ان ربي يشفيه عاجلا غير اجل

الله يهديه ويصلحه

الله يسعدكم ويجزاكم خير

افكارك حلوه يا ريم فيصل راح اجربها الله يشفي ولدك ويخليه لك وجميع اولاد المسلمين