اتقي الله ياحرمه سوط مره وحده!!!!! انتي سفاحه صراحه

معليش اللي تقول احرميه وعاقبيه ومدري وش ذا ماينفع معاه شي اضربيه مرتين وبعدها يهجد كل مايتذكر الضربه اهم شي الضرب مو ع وجهه اقرصيه وجربي وربي ليعقل ويهجد ماباقي الا ذي يمد يده ع امه ! وزوجك ماعليه طنشيه هم كذا الرجال مايحسوو

مادري ياختي تربية هذا الجيل طلع لنا جيل عنيد جيل يرد على امه وابوه
اهلنا يضربوننا على الغلط الكبير ويهددونا اذا ماوقفنا عن الغلط بالضرب والحرمان فنخاف من كل الاثنين ونسمع الكلام
ماطلعنا فينا عقد نفسيه عشان ابوي وامي ضربونا على غلط ولا نرفع لساننا على امنا وابونا يوم كبرنا
الضرب الغير مميت اللي الواحد يضرب بجنون هذا ممنوع طبعا ماحد يسوي لكن الضرب مايكون قوي زي الرجال اذا ضرب استرسل مايوقفه احد لا
جدتي تقول اذا ضربت اضرب مره وحده واوجع
صياحه ولا الصياح عليه
ولدك 5 سنين متمادي بسببك انتي عطيتيه كيف يمد ايده على امه بهالعمر المفروض يخاف يلمس امه يخاف من ردت فعلها انه غلط


عصبي عليه وجيبي واحرميه من اللجهزه غبيهم قولي اببيعهم ماتستاهل شي واقعد بالبيت زي الكنبه ماتطلع
احرميه من الطلعه تحملي واصبري احرمي نفسك اسبوع من الطلعه
كانت قريبتي ولدها مدلعينه جدانه وهو بكرها ينزل لهم يوميا فصار يتطاول على امه بلسانه اذا قالت له سوي كذا مايسوي ويرفع صوته عليها طفشت من التهديد
قالت ولدي يبي يكبر مايحترمني يحترم ابوه ويحب ابوه ولا يرفع صوته على ابوه لان يضرررررررب ولا بالعقال
بس تشكي تقول يحب ابووووه مع انه ابوه يضرب وانا لا ماحرمه من اي شي يطلبه وابوه لا مايعطيه الا نادر ويحبه
كانت تتشكى قدامنا وامها عجوز كبيره بالسن قالت ايييه ماضربتيه دلعتيه لحد ماصار يدلدل رجوله فوق راسك اضربيه وشوفي يتعدل
رفضت بنتها الضرب لحد ماطلعها من طورها وضربته بالعصى عجزت تشوف اسلوبه معها تقول كاني من اخوياه وتقول ضربته وحبسته بالبيت مانطلع لا انا ولا هو حبست نفسي معه عشان اربيه وحرمته من الطلعه صار يتقطع صيااااح يوميا ويحاول يطلع مقفله الباب ويتصلون جدانه عليها نزلي الولد تقولهم ماني منزلته لحد مايتربى لحد متى يتطاول علي اذا تعدل معي نزلته
اسبوع وهو يترجاها ولدها تسامحه ويتوب
والحين كبر بسادس رايح للمتوسطه ان شاءالله ورجااااال ثقيل ويحترم والكل واذا دخل علينا وامه موجوده حب راسها
والكل يثني على تربية امه ابووووه لاااااا تارك التربيه للام وهو مشغووول بشغله دوامين ومايقعدون الا بالغداء والعشاء


حتى هي مهتمه بتدريسه وطلع من الاوائل هالسنه وكرموه ورفع راس ابوه وجده بالحفله كله بفضل الله ثم امه
والله انه اذا دخل علينا وحنا قاعدين مع امه ويبي شي من امه يجلس جنبها ويطلب بصوت خافت لازم يقعد جنبها ويقرب راسه لراسها وهي نبرة صوتها ثقيله ماتقول حبيب عمري لا كانها تكلم رجل وماشاءالله ونعم التربيه
كنا نشوف قبل وهو صغير من عمر سنتين لعمر خمس سنين وهو مو ذا هو كان دلوع وصوته علي وصراخ ورفع صوته على امه الا يمد ايده عليها اذا رفضت تعطيه كان يرمي النعمه بالارض مايهتم وماكانت تقول شي
لحد ماطلع قلبها وربته صح

لا تضربينه لا تضربينه انتبهههي ترا بيصير عدواني لا تطبقين كلام اللي يقولون طقيه انتبهي في مثل وضع ولدك تحتاجين استشاري اسري يوجهك شوفي الدكتور مصطفى ابوسعد في تويتر يرد على الاسئلة اسأليه وبيعلمك وش تسوين


لا تواجهينه بالضرب ترا بيصير متعود وبيزيد وبتدخلين معه في حلقة عنف مفرغة وكلمي اختصاصي واسالي اهل العلم والدراية، مواقع التواصل مليانة دكاتره واختصاصيين.

لا تفاولي على نفسك
لله ولد اختي كان عصصصصبي وكان يضربها وهو صغير ويصرخ ويبكي ويتسدح عالارض لحد ما ياخذ اللي يبغى والحين عمره 20 ما في ارحم منه بأمه
ودايما تدعي له ان الله يوفقه. كثر ماهي راضيه عنه


ولدك له مفتاح اذا عرفتي له راح تتحكمين فيه بسهوله
اقرأي كثير عن الطفل العصبي والمتنمر
وان شاء الله تلقين لك حل