ولدي المراهق يحب ومجنني

السلام عليكم ورحمت الله وبركاته:)
بنات انا ابي استشيركم في موضوع مجنني
والي بتجرحني رجاء لاترد الي بتنصح حياها الله:)

انا عندي ولد عمره16سنه هو متربي في الخارج وطابيعه غريبه ماعنده شي اسمه عيب عنده حرام بس عيب لا اهو ملتزم والله الحمد اخذ جواله ولابتوبه وايباده اشوفه عادي ميسوي اي شي غلط واثقه فيه والله الحمد

بس المشكله وين؟؟


اهو من يوم كان صغير وهو يحب بنت خالته ويقول احبها ولاكبرت تزوجتها ويجنني الحين وهو عمره كذا اذا قالو له خواله انك تحب قال ايه احبها ولاكبرت تزوجتها ومالكم شغل مااايستحي ياااااناس ماااتيستحي!!!!!!

حتى يقول لي انا وابوه بابا ترا اذا ماخطبت……مانيب مكمل دراستي

جنني انا مره دخلت صفحته فيask.fmولقيته يتكلم مع شخص مجهول المجهول يقول له انت تحب …… ويرد عليه ويقول ايه ولا كبرت تزوجتها واذا ماوفقت مانيب معرس ابد!!!

ابوه يقول يمكن نزوه لاكن اليوم صار شي جنني
احنا عايشين برا السعوديه واهلي في أبوظبي هم من هناك اصلن واختي عايشه في السعوديه واذا جات الاجازه اجتمعنا في بيت اهلي


وولدي طبعا يصادف بنت اختي الي يحبها كثيير ويشوفها حتى وعنده صورهم وهم صغار يبوسون بعض وحاضنين بعض ابي اخذها منه بس بدون مايدري ولا قدرت حاطها عند سريره انا مدري وش اسوي ابيه يركز في دراسته ومستقبله هذي الامور لاحقين عليها


اليوم وانا جالسه على عالم حوا دخل قال:
ولدي:ماما!
انا:نعم
ولدي:ابي اقول لك شي
انا:يا… انا مشغوله بعدين تقول لي ولا رح قل لبوك
ولدي:لا انا ابي بشي مهم ابيك انتي مو بابا
انا:ماوراك سالفه اطلع انا حافظتك ياماما
ولدي:مانا انا احب……
انا:عارفه مايحتاج تقول لي
ولدي:طيب ياماما دامك داريه اخطبيها الله يخليك
انا:انت ماتستحي خلاص فصخة الحيا توك صغير
ولدي:وانا وش قلت ياماما قلت اخطبيها ماقلت زوجيني
وفي هذي الاثناء دخل اخوي عمره35وجلس يضحك على ولدي قام ولدي قال:ليه ليه تضحك انا احبها وبتزوجها وبتشوفون:(
مااااااااااااااااايستحي
تدرون وش الطامه اختي ام الي يحب كانت معنا في الغرفه قالت مافيه منتب ماخذ بنتي قال والله لاخذها انتو مالكم دخل فيني
علمت ابوه قال انا بكلمه واقول له خطبه الحين مافيه لين تخلص الثانوي وبعد اذا ماعجبتني نسبتك مافيه دور وحده غيرها :(

بالله وش اسوي فيه علشان اخليه يركز في مستقبله!!


وش ذا الجيل اول كنا نستحي لاجو يخطبون لنا والحين الله يخلف:crap: