مرحبا امهاااااااااااااااااااات
ولدي عمرو حاليا 3 سنين و 10 شهور >> باذن الله مابقي شي ع ال 4
لليوم و هو متعود اوامروا تتنفذ بدون مجادلة , ما اطلع لمول الا لازم يخليني امر ع محل العاب ولااازم ياخذ لعبة والا يفقع بالصوت والزن الله يهدية
ولاني بدولة اجنبية مقدر اخلية يفضل يصرخ والا الكل يجتمع عندي وهاتلك سين وجيم
حتى بالبيت اذا قولنالوا لااا ع طول يعصب ويصرخ باعلى صوت نوووو ولااازم ياخذ اللي يبغاه
( طبعا كوني مريت بظروف جدااااا صعبة وقاسية اول ما ولدتوا لغاية قرابة سنتين ف كنت احاول اعطية كل شي دام ما يضر و اسكتوا باي طريقه عشان اقدر ارتاح)
ف انا عاارفه اني سبب ف التمادي هذا لكن ارجع اقول غصب عني
ابوه حاول معايا لكن للاسف ابني متعلق فيا لحد الجنوووووووووون و مع ابوه عادي >> يحبو يشتاقلوا لكن ما يرضى يجلس معاه فتره طويلة اذا انا مني موجوده ف البيت او خرجت لدقايق
حتى لو كنا ف السيارة سوا ونزلت ع السريع اجيب غرض ع طوول ياعلى صوتوا يبكي يبغاني
>> هذا الشي راجع لانوا مع الظروف اللي صارت لابوه كنت مضطرة اخاي امي تاخذوا معاها و جلس تقريبا 3 شهور و بعدين رجعن اخذتوا و مره تانية اضطريت اخلي امي تاخذي (هذا كلوا حصل ف اول سنتين من عمروا لان الظروف صعبة وابوه بين الحيا والموت وانا ف غربة ف كان غصب عني اللي يصير)
طبعا من الاشتياق لية ومع الظروف كنت انفذ كل شي
ولان الوضع الصحي لابوه لليوم صعب اثق فية ف صرت انا الكل ف الكل
وابني من كثر ما هو خايف اني ابعد صار حتى نوموا خفيف بسبب انوا كل شوية يقوم يشيك انا موجوده والاهم نايمه قداموا ولا لااا > طبع لو مالقيني قام يبكي ويصرخ حتى لو ابوه موجود ويحاول معاه بس ما يهدى الا بعد طلوع الروح
الظروف لاعبة دور لكن انا حاليا خلاااص تعبت بقوووة من الوضع ونفسي اغيروا
صار لما يبغى شي وانا رافضه احاول اتحمل صراخوا و اوقات ممكن يعض لو كان الشي بيموت عشان ياخذوا لكن لمتى ؟؟
اوقات صرت اضربوا لكن ارجع ارحموا لصغر سنوا و لان الضرب ما فاد
التهديد و الحبس اوقات ف الغرفه (طبعا ف الصباح مقدر ف الليا اسويها) برضوا نفس الشي
و ممكن مع بكاه وصراخوا كنا نضطر كمان اوقات نراضية بسرعه لان الشرطه كانت تجي البيت بسبب شكوى بعض الجيران >> قال خايفين الطفل جالسين نعمل فية شي
مشكلتوا كمان شايف نفسوا هو الوحيد معناه خلاص كل شي ليا >> حتى لو روحت عند جاراتي والاطفال جلسوا يلعبوا تلاقاه اخذ لعبة ويجلس يلعب فيها لوحدوا ما يحي احد يشاركوا فيها ابداااا
و اذا شاف عند احد لعبة عجبتوا يجيني يبغاها ما يبغى يتشارك واذا رفضت قام يبكي و يصرخ و طبعا ف الاول كانوا جاراتي يعطوه بعدين صرت اتحمل صراخوا او اني اطلع من الجلسة لو تمادى
الحمدلله هو لا مريض ولا شي بس شايف اني الوحيد عند امي و طلباتي لازم تفضل مجابة زي زمان
و انا تعبت لدرجه اني حتى الحمل صرت مأجلتوا لغاية ما اتفاهم مع وضعوا
كيف اتعامل مع صراخوا وبكاه لو مني موجوده معاه بس ابوة موجود؟
كيف اتعامل معاه لو خرجنا مكان ولازم يشتري لعبة حتى لو نزلنا السوبرماركت والا برضوا البكى والصوت لغاية ما نوصل البيت؟
كيف اتعامل لو كنت عند احد وشاف شي يعجبوا ويبغاه؟ الحمدلله هو مو محروم ولا طماع بس مشكلتوا ما يحب يشارك احد ولا احد يشاركوا خصوصا لو اللعبة يدويه اما لو مجرد جري كورة وغيروا عادي يلعب
و حريص ع العابوا لدرجه بالقوه ممكن اخلي احد ياخذ من منها شي ويلعب لو كانوا عندنا
و ف نظروا العابي افلامي اشيائي كلها هذي اللي تسليني خصوصا لما نكون انا وابوه مشغوليين عنوا ف الدراسة رغم انوا بيروح حضانه بس لاسف حتى هناك حالوا نفس الشي بس ما يقدر يتكلم الا اذا جيتوا قام يبكي و يطلع اللي ف قلبوا وانهم رفضوا ينفذولوا كل طلباتوا
و النوم كيف اخلية خلاص ينام حتى لو مني جنبوا >> لانوا لليوم من كثر ما يقوم ويشك للاسف اضطر اخلية اجيب سريوا الغرفه عندنا عشان ارتاح من القومه والفجعاات اخر الليل
نفسي الحق علية من دحين قبل لايكبر ويصير التعامل معاه اصعب
آآآآآآىسفه لو طولت بس حبيت اوضح قد ما اقدر وضع ولدي اللي من جد جنني معاه الله يحمية ويهدية ويصلح حالوا خصوصا انوا اعتمادوا عليا ف كل شي و ابوه ممكن يخلية بس لازم انا موجوده اما لو اختفيت خلاص حتى ابوه ما يبغى يجلس معاه مع ان ابوه والله مسكين حاول يرضية ويتفاهم ويبسطوا لكن بدون فايده لليوم غيبتوا عنوا فترات طويلة ف اول سنتين ماثرة علية لدرجه انوا اوقات يقلد وضع ابوه لما كان يلمحوا يتعب و يشوف الاسعاف تجية
الله يرضى عليها و يريحها مع عيالها اللي تساعدني لو برفع الموضوع
و اتمنى ما تلوموني كثير اناااااااااااا ادري ان ليا دور وانا عودتوا ع كذا بس الوضع اللي مرينا فية يخليني اعمل اكثر من كذا لاني بدون عقل ولا راحه وقتها
اتمنى القى حلول فقط و مشكورين مقدما
شوق الفوارس @shok_alfoars
عضوة نشيطة
يلزم عليك تسجيل الدخول أولًا لكتابة تعليق.
حاوووولي قد ماتقدري تطنشي طلباته حتى لو صرخ حاولي تطلعي من المكان الي موجود فيه اشغلي نفسك عنو ولاكانو شايفته راح يتعمد يكون معاكي في مكان غيري مكانك ثاني وثالث صح راح تتعبي بس صدقيني راح ترتاحي فاالاخر...
الله يعينك ويخليه ليكي،،
الله يعينك ويخليه ليكي،،
ليتني اقدر أفيدك بعد عمري
بس أنصحك تراجعي أخصائي سلوك بأقرب وقت
أكيد راح يقدر يساعدك من بعد رب العالمين
الله يهديه و دائماً قولي اللهم اجعل طفلي هادئا مطيعا عديم البكاء
بس أنصحك تراجعي أخصائي سلوك بأقرب وقت
أكيد راح يقدر يساعدك من بعد رب العالمين
الله يهديه و دائماً قولي اللهم اجعل طفلي هادئا مطيعا عديم البكاء
جزاكم الله خير و و ربي بدعيلة ليل نهار الله يهدية ويصلح حالوا
هو ماشاء الله ف البيت حالو اهدى وبديت اتصرف هالفتره معاه بالتطنيش
مع اني اوقات مع بكاه وصراخوا امسك ايدي بالقوة عنوا
ما اتوقع يحتاج اخصائي لانوا شايفه وضع جاراتي حالها نفس الشي بس هي للاسف مطنشة ولا فيها تغير
ف الاسلوب يبغالوا تربية مو اخصائي
لكن ابغى طرق او اشياء اقدرها انفذها و تجيب نتيجه معاه اخاف لو زاد التطنيش و العناد اقوم اطفش
وارجع لاول و استنى زي ما الكل يقولي خلية يكبر و يعقل او جيبي بيبي تاني هو اللي راح يطيح اللي ف راسوا
و الاهم كيف التعامل لو كنا برى >> اوقات ارجع البيت والله اذا كنت ف نفس العمارة بس لو اني بعيده او ف المول
كيف اتعامل
كيف اخلية يجلس مع ابوة بدون ما يبكي و يكون الوضع عادي عندوا
بليزز ارفعوا الموضوع اكيد ولدي مو الوحيد اللي كدا فأبغى اعرف كيف تتعاملوا مع الاطفال اللي بهذي الطريقه
خصوصا اني برى المملكه يمكن لو كنت ف السعودية وعند اهلي كان الوضع اتغير
هو ماشاء الله ف البيت حالو اهدى وبديت اتصرف هالفتره معاه بالتطنيش
مع اني اوقات مع بكاه وصراخوا امسك ايدي بالقوة عنوا
ما اتوقع يحتاج اخصائي لانوا شايفه وضع جاراتي حالها نفس الشي بس هي للاسف مطنشة ولا فيها تغير
ف الاسلوب يبغالوا تربية مو اخصائي
لكن ابغى طرق او اشياء اقدرها انفذها و تجيب نتيجه معاه اخاف لو زاد التطنيش و العناد اقوم اطفش
وارجع لاول و استنى زي ما الكل يقولي خلية يكبر و يعقل او جيبي بيبي تاني هو اللي راح يطيح اللي ف راسوا
و الاهم كيف التعامل لو كنا برى >> اوقات ارجع البيت والله اذا كنت ف نفس العمارة بس لو اني بعيده او ف المول
كيف اتعامل
كيف اخلية يجلس مع ابوة بدون ما يبكي و يكون الوضع عادي عندوا
بليزز ارفعوا الموضوع اكيد ولدي مو الوحيد اللي كدا فأبغى اعرف كيف تتعاملوا مع الاطفال اللي بهذي الطريقه
خصوصا اني برى المملكه يمكن لو كنت ف السعودية وعند اهلي كان الوضع اتغير
الصفحة الأخيرة
ماحبيت امر بدون رد الله يهديه ويصلحه