ولدي بعمر 15 وبنتي بعمر 8 كيف اتعامل معهم

بسم الله الرحمن الرحيم
كيفكم وكيف اخباركم اتمنى لكم الصحة والعافية
الحقيقة ابي رايكم واستشارتكم بعد محاولاتي الكثيرة ....
انا عندي ابن عمره 15 السنة كان ماشاء الله مثل الورد متفوق في دراسته وملتزم بالصلاة حافظ للقرآن الكريم واموره تمام الحين بعد دخل مرحلة المراهقة مادري تغير تغيير نهائي صار مايحب يذاكر ولايحب يروح لتحفيظ القرآن باقيله شوي ويكمل صار مو مثل السابق صار يرفع صوته في وجهي مايسمع كلامي عنيد وعصبي بالله دلوني كيف اتعامل معه

وعندي بنت عمرها 8سنوات هيا حبوبة وشاطرة بس انانية تحب كل شي لها لمن نروح لاقاربنا دايما تحب تفرض علي البنات الي تلعب معهم كيف يلعبون يعني ماتلعب عادي دايما هواش ومشاكل مع ان في المدرسة كل مدرساتها يشكرونها
ابي المشورة من صاحبات التجارب والمربيات احس ان انا السبب واقول دايما ماعرفت اربيهم مثل ماابي رغم اني لما كانوا صغار ماشاءالله عليهم ولمن كبروا تغيرت تصرفاتهم وسلوكياتهم
مثلا احاول بالعقاب انهم مايشتمون ولكن مافي فايدة كيف اتصرف معهم الخبيرات يفيدوني الله يسعدكم تعبت وماابيهم يكبرون علي نفس الاخلاق