فقدتك يمه

فقدتك يمه @fkdtk_ymh

عضوة جديدة

ولدي بغى يروح تحت السيارة شوفو السر الي نجاة وحفظه

الأسرة والمجتمع

السلام عليكم ورحمة الله وبركاته ..
صباحـ\مساءء الخير
كيفكن ياحوائيات !!
مدري كيف ابتدي .. بس يابنات حبيت اقولك كيف ربي حفظ ولدي ولله الحمد ..
من يوم الخميس ولليوم وانا قلبي يضرب الحمد لله على كل حال .. السالفه يابنات اخوي جاي زيارة من برى وحطين له عزيمه باستراحه يوم الخميس الفايت وتعرفون الواحد اذا عنده عزيمه وضيوف يكون مشغول المهم وانا ادخل واطلع وحوسة المطبخ اشوف ولدي الصغيرعمرة 6 سنين يدخل ويطلع واهوش ماكاني اتكلم قلت استودعتكما الله الذي لا تضيع ودائعه ولهيت بشغلي ومع الناس وخلصنا العشاء وبدت الناس تروح وتوي جلست برتاح يمكن ع الساعه 1 ونص الا جايه اختي من ابوي تكلم امها بشويش وامها تغير وجهها جيت وش فيه ابتسمت اختي قالت ولا شي سالفه بيني وامي سكت انا ورحت جاء ولد اختي خاله شوفي ولدك مسكته اختي اسكت ولا كلمه قال بعلمها عن ولدها قالت احد قالك قول شي قال لا قالت فارق وهاشته وراح وهو يبي يتكلم قلت وش فيه قالت ولا شي متهوشين وفكيتهم انا حاسه فيه شي بس مدري ايش شوي جابو ولدي الصغير يصيح ورجوله وارمه قلت وش فيه قالو كان متعلق بالسايرة وطب ووطت طرف اصابعه قلت الحمد لله وحطينا فيه فقس وناظرنا الولد الحمد لله مافيه شي بس رجله تعوره شوي ورحنا للبيت ومشت الامور .. طبعا للان مدري وش السالفه بالضبط.. من بكرى دقت اختي تسال عن ولدي قالت تدرين زوجي كل البارح مانام قلت ليه قالت صورت ولدك بين عيونه انه يقول الولد بغى يروح بس ربي رحمه قلت كيف تقول الله يهديه هو وبنتها كانو متعلقين بجيب زوج اختي الكبيرة وهم بيمشون يسولفون على عيالها قالت لهم انزلو يالله بنمشي نزلو بنت اخت وابعدت ولدي زلق تحت السيارة طبعا زوج اختي مانتبه ومشى بس زوج اختي الثانيه كان طالع بيمشي وشاف بنته ووولدي متعلقين وقف يطالع فيهم بنته ابعدت وولدي طاح جاء ركض وسحب ولدي وصار الكفر بس على اطراف اصابعه يعني لو ماربي كتب وسحبه كان تحت الكفر .. يارب لك الحمد .. اختي تقول قاريه وردك قلت والله وانا عجله استودعته الله وربي حفظه .
يابنات دوم استودعن الله انفسكن وعيالكن وربي كل ما اتخيل الموقف ابكي ...
انا دايم اردد .. اللهم اني استودعك نفسي وديني وامانتي وخواتيم اعمالي وزوجي وذريتي واهلي ومالي وكل ما انعمت به علي ....وربي هالدعاء له مفعول عجيب ...ياليت ترددونه يوميا صباح ومساء ..
الله يحفظ لي زوجي وذريتي واهلي وكل من يعز علي وياكم يارب ..
34
2K

يلزم عليك تسجيل الدخول أولًا لكتابة تعليق.

تسجيل دخول

فديت النوني
فديت النوني
الحمدلله على سلامته
الله يخليه لك يارب
فقدتك يمه
فقدتك يمه
الله يسلمكن ويحفظ غواليكن يارب
كل الذوق فيني
كل الذوق فيني
الحمد لله على سلامتك
$>>امووونه<<$
$>>امووونه<<$
الحمدلله يارب
بنت الشافعي
بنت الشافعي
الحمد لله على سلامته والله يخليه لكي
اللهم اني استودعك نفسي وديني وامانتي وخواتيم اعمالي وزوجي وذريتي واهلي ومالي وكل ما انعمت به علي