اولا/ الله يعينكم عليه والله يصلحه ويهديه يارب
ثانيا/ والله لو كل واحد يتيم سوى كذا بأهله كان الدنيا خراب يعني علشانه يتيم اخليه يلعب ويتحكم في الناس
ثالثا/ مشكلته الوالده هي اساس الخراب مع احترامي يعني اذا حاولتوا تقنعونها بتغيير هالأسلوب معه فهذا راح يخفف عليكم ويعطيكم سلطات أكثر علشان تقدرون تتحكمون في تصرفاته وانه مايحق له ضرب او اهانة أي احد مهما كان بدون سبب
الأخوات عطوك حلول بعضها في نظري راح يجيب فايده
منها علمي ولدك كارتيه بدون مايدري اخوك وبعدين لو حصل بينهم شي راح يتفاجأ ان ولدك ماسكت له ورد عليه وبكذا راح تنكسر شوكته شوي شوي
ترى أي انسان سواء كبير أو صغير في مثل حالته تكون ردة فعله عندما يواجهه الشخص المقابل بالقوه وعدم الضعف تكون ردة فعله انه يحس بالخوف لانه ماتعود على هالأسلوب وبكذا راح يفكره الف مره قبل مايتصرف بحماقه
وبعد اتفقي مع خواتك ماتجيبون عيالكم الا قليل جدا يعني يجون يسلمون ويطلعون وكذا يبي يحس بالوحده مهما كان
احرموه من اشياء يحبها
طبعا كل هذا اذا عطتكم الوالده الضوء الاخضر علشان تبدون معه<<<<<<حشا معركه
قولي للوالده انه مهما كان يتيم ترى هالأسلوب راح يدمره ويدمرك معه أول وحده
خلي اخوك الكبير يوريه الشغل والعين الحمراء لين يعقل ويصير رجال حتى لو وصلت للضرب الغير مؤذي من باب التأديب والتخويف
لازم يتدخل اخوك بسرعه لان دوره مهم علشان يكون له هيبه في البيت كله وخصوصا عليه
ومازلت اركز على دور الوالده تكفون حاولوا فيها لو تخوفونها مثلا تقولون لها ترى اذا استمر على هالحاله لو كبر يمكن بحماقته يسوي اشياء تضره يطق احد او يعتدي على احد بحكم انه متعود على ان كلمته هي الماشيه وعقبها يمكن يدخل سجن وبلاوي ))
يعني شئ من التخويف والتهويل في سبيل الاصلاح والتربيه لايضر ابدا
والله يكون في عونكم يارب

على قولهم الدلع يا يهبل يا يخبل

مادامه توه صغير ربوه من جديد بكره يكبر ويتمرد عليكم ويجيب لامك الامراض والبلاوي اللي هي بغنى عنها

والله ياوخيتي امك الله يسامحها وش هالتربيه بتنعكس عليكم كلكم هذا هو صغير اجل لاكبر وش بيسوي خلي امك تفكر مستقبل اوكي تحن عليه ودلعه بس بحدود الغلط غلط

انا اشوف المشكله الاساسيه اخوك
حراام تخلونه كذا اليوم باليت وبكرا يكبر ولا تقدرون عليه برا البيت مهما كان هذا اخوك من لحمك ودمك
لو تكلمين راعي خير يحاول يحتويه ويدخل حلقه وباذن الله راح يتقوم سلوكه <<<خليه يحاول فيه وهم ماشاء الله عندهم اسلوب
وهو صدقين شخصيته هذي تدل على ضعفة من جوا واحساسه بالنقص
لازم لازم احد يحتويه بشرط يكون راعي خير من بر ا العيله علشان يقدر يغير شخصيته بدون ما يحس ان احد يراقبه

قسم بالله لاارنه المين يعض الارض اجل نسكتله

وش فادت قل التربيه انتو اهله وبتتحملون بس الناس موب متحملين بثارته

اقعدو مع امكم كلكم وحتى اخوكم الكبير وفهموها

لازم يتربى ولا بكرا بنقلب عليها هالشي

وش بيمسكه ووش بيمنعه دامه بالابتدائي كذا الله يعين ع المراهقه