++ ولدي بيكمل سنتين و بعده ايقوم فلليل..! شو الحل ؟؟++

ولدي عمره سنه و 10 شهور يعني ما باقي شي عن ايكمل سنتين و لين الحين ايقوم مره او مرتين فلليل عشان يرضع.. ! مع اني اعشيه زين.. و قبل لا اينام يرضع له مرضعة حليب.. استغرب ليش ايقوم.. ماشالله وزنه زين و اكله زين و صحته اوكي..
ما عمره نام الليل متواصل الا اذا كان نومه متلخبط و نام متأخر..

شو الحل.. متى بينتظم نومه.. ؟

هو اينام الساعه 10 و نص او 11 فلليل حسب ساعات نومه الظهر.. ايقوم لي الساعه 4 و نص او 5 الفجر عشان يرضع.. احايله عشان يشرب ماي ما يرضى ايصيح يبى (دودو)..

مرات يوم اكون سهرانه و ما اقدر انام الا متأخر .. اسوي له مرضعه و اعطيه اياها وهو نايم و ابدل له البامبرز و يواصل نومه..

بس انا اريد يترك الرضاعه فلليل لأني بعلمه يشرب من الكوب..!

اللي عندها نصيحه او حل ياريت اتفيدني فيها.. والله يجزيها الجنه انشالله..