ولدي بيكمل 4 شهور وللحين كل ساعتين يصحى ويجنني بالليل.. نصايحكم يا امهات :(

انا ولدي قرب يدخل ال4 شهور..
تعدل نومه قبل اسبوعين لمدة كم يوم.. صار ينام 5 ساعات متواصل..
بعدين انتكس فجأة ورجع يصحى كل ساعتين ونص او 3 ساعات..
علما بأنه انتكس بعد هواش صار بيني وبين ابوه وكان متروع وقتها..
وتأخر بنومه الى الساعه وحدة بالليل..
من بعدها صرت ادخل السرير على الساعه 9.. وانومه.. وكل شوي يصحى..
يعني يصحى بمعدل 4 مرات تقريبا بالليل.. ما اتهنى بنومي والله..
وصار حولي عيني سوااااااااااااااد مرعب وقبيح..
ماني عارفه كيف اتصرف معه..
وابوه الله يهديه اذا شافه صاحي جلس يلعبه لحد مايطير النوم زياده..
واذا تأخر الوقت والولد مانام.. اخذ زوجي مخدته وراح ينام بالصاله..
وربي حالتنا حاله مع هالولد..
وهو ماشاء الله مايشكي من شيء..
بس يصير وده يسولف ويضحك ويجلس يناغي نفسه طول الليل..
علما بأني ابدل ملابسه واعطيه حليب 180مل..
وامهده كويس.. واقرأ عليه قران.. واطفي الانوار.. والتكييف على 25..
وينام هو.. بس يادوب ساعتين الى ساعتين ونص ويفز من نومه..
يصير يبي ارضعه من صدري.. يجلس يمص 5 دقايق ويرجع يدوخ..
يعني مو جوع.. بس كذا تعود.. وهذا اللي مجنني..
ابيه ينام 5 ساعات ورا بعض.. ادفع نص عمري ويسويها..



تكفون عطوني نصايحكم
تراني بكريه وتعبت..
24 ساعه نسكافيه وبنادول من الاجهاد والسهر :ohwe: