ولدي تشنج من صار لولدها مثل ولدي .. تساعدني

السلام عليكم ورحمة الله وبركاته

ولدي ارتفعت حرارته واتشنج ووديته لاكثر من مستشفى وقالوا لي تشنج حراري
ويومنه اتشنج ما هز بيدينه ولا شي بس صار فيه شي واحد نظره شخص وثبت على فوق وما اتقلبت عيونه
وجسمه مرتخي مره .. غسلت له بموية عاديه وبموية بارده ما يحس بشي اناديه ما يسمعني وما ادري كان يتنفس والا لا ولما وصل للمستشفى وحطيته على السرير الا هو صاير قطعه زرقاء وما ادري وش اللي صار معاه بالضبط
بس لما شفته صار ازرق بالمستشفى جلست اصرخ ولما صرخت كنه فز مرتين وما سوى شي غيرها مع اني في السياره كنت اتكلم معاه وارفعه وأأشر له بيدي ما يحس بشي نهائيا فكرته مات ذاك الوقت بغيت اتجنن بس ربي ستر :(
انا اخذت له موعد في المستشفى بس بتطول مواعيدهم لين يسوون له تخطيط للمخ و مدري وش المفروض اسوي ... فحبيت اسأل :
من صار لولدها كذا ؟ وجته مشكله في المخ بعدها ؟ واثر على نموه ؟ وكيف اتصرف اذا صار له كذا مره ثانية؟