ولدي تغير... صار خووووووواف مره

هلا بكل من بيدخل موضوع وبيساعدني ويرد علي..

طبعا الموضوع باين من عنوانه... ولدي الكبير عمره 6 سنين وكم شهر تغير صار يخاااف من كل شيء

كان اقوى ولد في عيال اعمامه يضارب ويحارب والكل يحسبله حساب..

اوقات يصحى قبلي ويجلس يلعب سوني واذا طفش يصحيني.

الحين اتغير صار يخاااف .. يخااف يجلس لوحده ويخاف اني انام واخليه معي ومع اخوانه بنفس الغرفه يجلس يبكي بشكل غريب ويصرخ لدرجه اخاف انه يغمى عليه صار يخاف يقوم وانا نايمه

حتى لما يروح هو واخوانه مع ابوه في السياره مثلا ابوه بينزل عند الخياط فيقولهم الحين اجي لاتنزلون فيقوم يبكي ويصارخ ويسوي حاله مع العلم ان اخوانه يجلسوا عادي في السياره يستنوا ابوهم وهم اصغر منه

ولما ادخل مه ابوه الغرفه ومثلا نقفل الباب ونخليهم في الصاله مثلا يلعب سوني او جيم بوي يجي ركض على الباب ويجلس يدق الباب بكل قوه ويصرررخ باعلى صوته

وكل دقيقه يجلس يبوسني ويقولي ماما انا احبك.. وماتمر دقيقه ثانيه الا يجيني مره ثانيه ويبوسني ويقولي احبك وعلى هالحااااال الين ينام

قبل ماكان كذا ابد.... ماادري ايش فيه

صحيح اني احب انه يسلم علي ويقولي احبك ومن هالكلام لانه عادي طبعا بس ولدي يسويها بزياده وبدات هذه العاده مع الخوف في وقت واحد

ايش تتوقعوووووووووووووووووووووووا السبب؟؟؟؟؟؟؟؟

انا اتزاعل مع ابوه بس عمري ماخرجت من بيتي وعمري ماخرجت الا وهم معي؟؟؟

بالله يابنااااات اللي تعرف سبب التحووووول هذا لاتبخل علي ابد