هلالا ببنت سدير

ولايهك جبنا موضوعك هنا للطفل

الله يخلي لك طفلك ويعافيه ويشفيه


بصراحه ضروري تشوفين حالته وخصوصا أنك تقرين عليه
وابذلي السبب

يمكن معدته تكون تعبانه شوي

انا كان لي طفل كذا وصار السبب من معدته ماتتقبل اي أكل

الله معك ولاتنسين طمنينا عليه

شكرا حبيبتي ام مسلم على ردك .. انا موديته طبيب قال لي مافيه شي سليم
بس لاحظت انو لما يرجع بعد الرضعه ( ترجيع خفيف عادي ) يكون مويه والحليب صاير مثل الحبيبات يعني قصدي كأن الحليب مو مختلط مع المويه او مادري كيف صاير ؟؟؟؟
مع العلم اني اخلطه كويس والمويه تكون دافيه مو بارده ؟
انا مغيره الحليب من المرحله 1 الى المرحله 2 ,,,,, لكن نفس الشركه وكان يشرب الأول عادي بس هذا لا ؟؟؟
لأنو الحين وصل 6 شهور عشان كذا غيرته

فهل ممكن يكون سبب ؟؟

هو الحين الحمدلله افضل وصار ينام كويس ولله الحمد
والحمدلله خلاني اشيل كل الدبدوبات الي بالبيت او الصور واشغل اذاعه القران عنده قبل لا ينام

هلا بالسديراوية .. احس اني جايه متأخره بس ما علي منك !! ما أقدر أشوف موضوع لك ولا أدخلها من جد أحبك في الله ..

اول ما قريت انه يصرخ وهو نايم فجأة ذكرني بولدي (عمره 3 شهور) بس ولدي أتوقع ان الفزات هذي لاني اضحكه وهو صاحي ،،، >>>>>>> على باله كاشخ هالايام،، بس اقرب منه يفطس ضحك مشالله توه يسمع صوته الظاهر!!
( والله مجانين ياحبيلهم)..

لاني سمعت انه اذا ضحك كثير يصير يحلم بالليل أو يستفرغ ...........

وسلامتك ..

بنت سدير تعالي ... وش سميتي ولدك ؟

يمكن متضايق من اوساخ متراكمه على وجهه وجسمه تسبب له حر او ضيق اذا شفتيه كذا روشيه وسولفي عليه أثناء الأستحمام وجهزي له وجبه بعد الحمام شي مسلوق