ولدي جته حمى شوكييه

السلام عليكم أبي اقولكم قصة ولدي مع الحمى ومعاناته ومعاناتي أنا معه والحمد لله على كل شي بس أبي احد مر بنفس التجربة يتواصل معي ضروري الله يسعدكم أخذ شهرين وأسبوع في المستشفى شهر وأسبوع كان في العناية وأسبوعين في الجناح وأسبوع رجع للعناية جاه فيروس شتوي وأسبوعين في غرفة الفايروسات والحمد لله طلع قبل امس طبعا جته مويه في راسه ع الجهة اليسرى اول ماتعب ودخل العناية وبعد ثلاث أسابيع سوو عمليه وسحبوها ولدي قبل لا يتعب كان طيب عمره كان ثلاث شهور وأسبوع فجاه جته حراره ثلاث ايام كمادات وخافض ما نزلت وتشنج اليوم الرابع منها الفجر وصار اللي صار الحمدلله على كل شئ الحين عمره خمس شهور وثلاث أسابيع من يومين الحمدلله بدا يضحك ويلعب بس شوي اول ما طلع من العناية كان حزين على طول ويبكي حاولت أضحكه وأغني له الأغاني اللي كنت أغنيها قبل لا يتعب وكان يضحك وقتها قبل لا يتعب بس مانفع لأكن الحين الحمدلله العافية شوي شوي من ربي طبعا في العناية انتفخت رجله اليمنى وطلع عنده جلطه والحين على إبر مسيله للدم أنا أعطيه وعلى أدويه اثنين للتشنج ومدر للبول والمعده عشان الترجيع طبعا اول مدخل للعناية خدروه شهر وأسبوع مثل الجثة وعلى تنفس صناعي والحين هو عنده فتحه في الشريان الأوسط من يوم ولد ويقولون تسكر مع الأيام لما ولدته والحين احتمال يسوون له قصدره والله يعين أبي استفسار آتكم بعد هذا لمرض وش أسوي له لأني بديت أسوي له مساج وتدريبات لان كتفه اليسرى مشدوده ورجله اليسرى خاملة يادوب يحركها ورقبته يحركها بس ما يثبتها إذا جلسته بس يده اليمنى ورجله اليمنى اللي فيها جلطه الحمدلله يحركهم والحمد لله على قضاء الله وقدره