ولدي جنني وللحين ماسكه اعصابي بس ياخوفي تفلت بيوم افيدوني

عندي طفل عمره 3 سنين قسم بالله جابلي احباط اخوانه اشوى عاقلين ويتفاهمون الولد متمرد ليش مدري
المشكله انا مااضرب واصرخ راعية طويله واعصابي في ثلاجه بس للاسف هالولد بيطلعني من طوري بسم الله عليه
اعامله معامله زي الفل هو واخوانه بس للاسف مااثمر فيه عكس اخوانه مطيعين ومؤدبين ويحنون علي
وقتي كله لهم ماتوظفت عشانهم والحمدلله النتيجه مرضيه بس هالولد مستقعدلي
شوفو مواقفه معاي بس احط الاكل يجلس يرمي الصحون ويدفها مهما احاول باللين بالعقاب بالتهديد ماينفع معاه
احطه بكرسي العقاب ينفع مع اخوانه وهو لالالالالالالالالالالا ماينفع الاتمرد زود
احط عيني بعينه وافهمه بحزم ماينفع اهدده احرمه من شي يحبه عاااادي عنده يتمرد اكثر
اطنشه اتجاهله ماينفع معاه وقت الاكل مايريحنا وانا ماودي احبسه بغرفه واعقده يرمي الصحون يكب الاكل يرفس اخوانه
وبالذات اذا شافني حطيتلي قهوه والاشاهي المهم شغله لي ابتقهوى وارتاح يجي يدف الاكل ويكب القهوه يتغافلني
والا يقعد على راسي يزن او يرمي نفسه علي ويبكي مهما ابعده مايروح الين اكره القهوه واقوم ارميها تنسد نفسي ويتعكر مزاجي ماودي اضربه
قرصة الاذن ماتنفع معاه مسك الايدي ماينفع معاه الحين انا زعلانه من وقت الغداء ودمي فاير لانه سوى حركه رفعت ضغطي
واستفرغت الغداء من قهري والحين حاسه جوفي محترق حرقان فضيع بسبته هالولد الله يصلحه
تخيلو استقعدلي اليوم قعده غير شكل اول ماصحينا الصباح قام مبوز كالعاده ونفسه شينه جلست الاعبه والاطفه حزني
وصحصح شوي قلت بحط الفطور وناكل ونعين خير حطيت الفطور وجلس يصيح يبي سكر يلحسه وانا ماعودته ولاعمري
عطيته يلحس سكر فهمته ان السكر ماناكله وانه حق الشاهي وكذا وحطيت الفطور وسكت عنه صاااح الين داخ وسكت
وجاء عندي وشات الفطور وعفس البيت انتثر البيض بكل ركن كنست ونظفت بعد ماحطيته بكرسي العقاب
وجلست معاه ساعه نلعب ونسولف ولعبنا بالصلصال وكان مبسوط وفهمته وقت اللعب بطرق غير مباشره اني احبه وابيه عاقل
ومن هالكلام المشجع وكان تمام ويتجاوب معاي بس خلصنا لعب وشلنا قشنا وحطيتله براعم يتفرج يمكن ربع ساعه
الا وقام نزل كل شي في الصاله حتى مراتب الكنب عفسها ورماها في الارض نصها وصلت لباب الشارع
عاقب ماتعاقب ماينفع معاه عنيد ومتمرد ادعوله تكفون حتى الروضه رفضوه لانه تو مكمل ثلاث
احضنهم قبل النوم واقلهم قصص وماعندي شغاله بس للاسف هالولد مانفع معاه لاحنان ولااهتمام ولاعقاب ولاغيره
لوسمحتو كيف اتعامل معاه والله اني الحين اكتبلكم وضغطي صاك وهو يحوس في البيت لاعب بكل شي حتى شاشة البلازما رماها بالملعقه وخربت من الزاويه الله يستر لاتنفجر علينا
كيف اعامله ياامهات الحين جالس يبكي ويصيح كله دلع والله مافي سبب وانا احصنهم بس مدري وش الاسباب نوروني ياحريم
قبل افتري فيه اخاف افقد اعصابي واكسره تكسير استغفرالله بس