السلام عليكم ورحمة وبركاته
اخواتي العزيزات
حبيت استفيد من خبراتكم في تربية ابنائكم الله يحفظهم ويخليهم لكم
انا اعاااااني كثير من ابني عمره 11 سنه وانا منفصله من ابوه وهو في بطني من صحى ع الدنيا وهو بحضني يحبني بدرجه كبيره هو عانى كثير من يوم كان صغير وهو في عمليات جراحيه وجبس بالاقدام وسافر مع والده خارج البلاد وصار عنده خوف مو طبيعي انه ممكن ما يشوفني واشياء كثيره حصلت معاه لكن اعاني منه كثير لأنه غريب في أغلب الحالات
تجيه حالات هستيريه يكسر كل شي قدامه لو التلفزيون ممكن يكسره واذا زعلت جاء يترجاني عشان ارضى ويقول انا احبك كثير حتى لو كنت نايمه يجي ويقول ماما ماما انا احبك ويطلع يشعر دايم اني ما أحبه وأنا واحبه كثير ودايم اقوله ودايم احظنه لكن مجنني ودايم مسبب لي مشاكل مع بنات اخواتي واحس مرات ان تفكيره اصغر من عمره
لكن الحمدلله هو عايش في بيئه محافظه لكن عندي الوالده مدلعته بدرجه كبيره ولا ترد له طلب واذا زعلت عليه يستغل الفرص ويزعج الوالده لين تكلمني عشان ارضى عليه
انا تعبت كثير منه واحتاج استشاري تربوي يساعدني في طرق العلاج لحالته لاني مرات أشك انه مريض نفسيآ لدرجه يقول انا احس مو اني طبيعي ويقعد يناظر بطريقه غريبه
ساعدوني الله يجزاكم خير
من خبراتكم
ومن معرفتكم لاصحاب الخبره
النفوذ @alnfoth
عضوة نشيطة
يلزم عليك تسجيل الدخول أولًا لكتابة تعليق.
حروف القصيد &&
•
الله يخلية لك ويصلحة والله ماعندي فكرة بس حبيت ارفع لك الموضوع
لاتهمليه تدرين خليك ع القران ارقيه دايم وانفثي بمويه خليه يشرب منها ولاتقوليله انك نفثتي بالمويه عشان مايحس انه فيه شي موطبيعي احتمال الولد متاثر من الانفصال ومتشتت الله يحفظه لك ويخليه
النفوذ
•
الله يجزاكم خير ع الرد وع الرفع
هو اكيد متأثر بس هو ما تعود ع ابوه وانا معوضته بكل شي لكن هو يعيش حاله وحده رهيبه لدرجه يقطع ملابسه بأسنانه
تعبت وربي تعبت
هو اكيد متأثر بس هو ما تعود ع ابوه وانا معوضته بكل شي لكن هو يعيش حاله وحده رهيبه لدرجه يقطع ملابسه بأسنانه
تعبت وربي تعبت
الصفحة الأخيرة