ولدي حبيبي مقطع قلبي

السلام عليكم ورحمه الله وبركاته ..

ابي ادخل بالموضع ع طوول بدوون مقدماات

انا ولدي الكبير باقي شهرين ويكمل اربع سنوات ويدخل السنه الخامسه

وللحين مايتكلم ولايفهم ولايستوعب ولايستجيب
ناااادر يرد علي لما اناديه
بعض الاحيان احسه يفهم وذكي ويحب الترتييب
مثلا اخته تشيل المركه يروح ع طول يرجعها مكانها ويرتب المكان

ولما البس عباتي يعرف اني ابي اطلع ويوقف جنبي
ودايم ماسك سلسلة ويلعب فيها واذا اخذتها منها يبكي بس ينساها ع طوول

والله لما كان عمره سنه ينطق ويلعب ويفهم علي بس بعد سنتين تغيييررر تخيلو للحين يلبس بامبرز

بقولكم عن شغله من لما كان عمره شهر وابوه يحطه ع طيور الجنه واربع وعشرين ساعة عليها ما بفارقها

اصلا مايسكت الا لما نشغل التلفزيون
وابوه الله يهديه يقول خليه مايضره

ولما اقول له وده المستشفى يقول ما فيه شي الولد
وزوجي اخصائي نطق يقول عقله اصغر من عمره
وانا مومقتنعه بكلامه

وهو شقي بالمرررره
من مر عليها زي حالت ولدي


موضوعي ملخبط ومدري كيف اةضح لكم
والله يابنات قلبي يوجعني عليه وبس ابكي لما اشوفه مسكيين يا عمر ي عليه😭😭