ولدي حرمني الروحات والجمعات والسهرات

حالي من حالج
ولدي الله يحفظه عمره سنه وشهر واسبوع
مرة جت بنت اختي تلعب معاه وهي أكبر منه بـ 8 شهور
شافها لابسة سلسلة ... فعجبته السلسلة وسحبها .... وصارت رقبة البنية حمره من ورا
وخذذت من الفشيلة للبنت هدية

قبل يومين ضرب بنت عمته وأكبر منه بـ 4 شهور وصار تحت عيونها لون أحمر ... وخذت لها بعد هدية

وإللي قبله وإللي قبله وهذي حالتي
هو يضرب .... وأنا أشتري هدايا ترضية

الله يسامحهم أحفادنا إللي أعمارهم من 6 سنين لين 12 سنة
يخلونه يضربهم وهم يضحكون
وتعلم الضرب منهم .... يظن إنها لعبة والناس تفرح
وفهمتهم نتيجة تصرفاتهم .... بس هم على حسب تعبيرهم
أسعد لحظات حياتنا يوم يضربنا ....
أتمنى يترك هذا الطبع .... لأني لو فهمته ما بيفهم
كل إللي أقدر أقول له .... لا - عيب ... وأبين له من تعابير وجهي إني مب راضية
وكل إللي أقدر أسويه إني أتابعه قبل لا يضرب عيال الناس

الله يعيني ويعينك يالدلوعه بس انشاء الله يكبرون ويعقلون

والله يا عمري ان ولدي كان اعظم من كذا ما كان يخلي لا كبير ولا صغير الا وضربه وبعد ما كمل 3 سنين حملت وانا ما كانت ابغى الحمل لاني خايفه منه مثلك ودعيت ربي يجعلها خيره وبعد ما ولدت تغير تماما بشكل الكل تعجب منه وحس ان عنده اخوان زي باقي الناس وصار اجتماعي اكثر ويحب يلعب مع الاطفال بدون ما يضربهم عشان كذا توكلي على الله واحملي وان شاء الله بيتغير والله يهديه ويخليه لك

الله يهديه ويصلحه

لازم تفهمينه ان هالشي خطأ بطريق العقاب
شوفي الشي اللي يحبه ولاتعطينه ... وفهميه بطريقتك ان اذا طق مافي شي اللي يحبه