ولدي حياتي بغى يروح لولا ستر ربي

السلام عليكم
اخباركم يابنات
بدخل بالموضوع على طول من الروعه ماني عارفه وش اكتب
ولدي الصغير طلع مع ابوه لاهله هم جيراني مابيننا شي
المهم قال انا بروح لمشوار وبنزل ولدي عند اخوانه وهم بيمشون لديرتهم واذا بيمشون يرجعونه لك قلت طيب مع اني والله كارهه هالروحه من اصله
لاني مااقدر ارفض لانه بيعصب علي
المهم وداه لهم
وراح هو لمشوراه بغضون خمس دقايق قلبي مو مرتاح وقلت بصير لين يمشون وبطلع اجيب ولدي شوي ومشوا اخوانه وماجابوه لي وطلعت الا ولدي ماهو فيه طار عقلي اركض واطيح من الخرعه قسم نسيت نفسي اني حامل ونسيت كل شي اركض واطيح واصوت له الا ماافي اثر واطلع للشارع الا اشوف اثر ولدي اثر الصندل بالارض طار عقلي واصرخ اصوت الا مافي احد
شوي ولا يجي اخوه الا هو معاه هو وامه وخواته وجابته لي ضرتي قلت وشلون انتم اخذينه معاكم قالت لا شفنا رجل مركبه بالسياره وجبناه قلت ابوه قال لي لامشو اهله يجيبونه لك قالت هو طلع منا بعد ابوه على طول اثاريه يمشي بالشارع ورى ابوه وابوه مو شايفه وشافه واحد من جيراننا ومركبه ومو عارف منهو ولده اصلا
الحمدلله الحمدلله قسم مو راضيه اسكت من الصياح
كلمني ابوه قلت انت السبب لو الولد صاير له شي وش اسوي انا قال هالمره عدت وكلام كثير مو قادره اسامحه بغى يضيع ولدي مني اكتب لكن والدموع تنزل مني مو قادره استوعب الموقف
الحمدلله هذا هو نايم عندي مافيه شي بس تعبان من المشي الي مشاه ونام مو قادره انسى قسم قاعده امشي بالصاله من الخرعه والروعه
ولدي بغى يروح لولا ستر ربي
بنات لما شفته مع اخوه بالسياره اغمي علي اركض ماني بوعيي لما شفته طحت غشيانه
ماني مصدقه الي صار
الحمدلله الحمدلله الحمدلله ربي حماه من كل شر
اتخيل لو هو مخطوف او مدعوم وش بسوي بعده لاسمح الله
ماني قادره اعدي هالموقف