ولدي خواف ومافيه ثقه بنفسه وانطوائي وانا السبب في هذا كله

السلام عليكم ..

ولدي الكبير من ولدته وانا دايما اهاوشه تخيلوا كنت اضربه وهو عمره 3 شهور ..

كان بيني وبينه مثل النفس ..

لاني تزوجت انا وحده من قريباتي مع بعض وهي من وانا صغيره وهي تقارن نفسها فيني ..

انا حملت على طول وهي ماحملت الا بعد 3 سنوات تقريبا ..

هي يوم درت اني حملت كلمتني وقالت لي انك انتي ناضلتني قولي لي ماشاالله عشان احمل قلت وليش انا ناضلتك قالت انتي قلتي لي قبل مانتزوج انتي شكلك على طول بتحملين وهالحين انتي كرررشتي وانا للحين ماحملت كله من كلامك ... وكل هالكلام كانت تقوله وهي زعلانه وسكرت السماعه وحتى كلمة مبروك ماقالتها لي ..

بصراحه انا خفت من كلامها حسيت من كلامها انها حاسدتني وخفت اني اسقط او يكون مشكله بحملي والله قعدت ادعي لها ان الله يرزقها عاجل غير اجل ..

ويوم ولدت بالسلامه حمدت ربي وقلت كلها وسوسه من الشيطان .. بس سبحان الله ماتصدقون اذا قلت لكم اني ماحبيت ولدي والمصيبه اني ماكنت ادري اني مااحب ولدي يعني كنت مشوشه دايما عصبيه ماكنت استنكر تصرفاتي مع ولدي كنت اشوف انها طبيعيه .. سبحان الله كان علي مثل الغشاوه .. مع ان اهلي وزوجي كانوا دايما يهاشوني ويقولون لي ان تعاملك قاسي مع ولدك .. لاني كنت اهاوشه و اضربه ضرب قوي وهو صغير عمره 3 شهور .. وماكنت اندم ابد ..

لين صار عمره سنه وثمان شهور كاني في غيبوبه وصحيت بلحظه تغيرت 180 درجه حتى زوجي استغرب من تغيري المفاجأ .. وقالي انه كان يفكر يجيب مربيه عشان تربي الولد عشان نفسية ولدي اندمرت صارت في الحظيظ ..
والله يابنات قعدت شهور وانا ابكي على مافات .. كل ماتذكر قسوتي مع ولدي ابكي واضمه واحبه .. والله ان زوجة الاب ارحم مني ..

بعدها بخمس شهور جاني خبر انها حملت وبشهرها الخامس .. ويوم قعدت احسب لها بشوف في اي شهر حملت فيه صار هو نفس الشهر اللي انا تغيرت فيه معاملتي لولدي .. سبحان الله ..

والى هالحين ونفسية ولدي مندمره هالحين عمره 7 سنين .. الولد خوااااااااف وماياخذ حقه يعني في المدرسه الاولاد ياخذون اغراضه وفسحته ومايقول شي مع انه يبيي اغراضه بس يسكت عشان مايجيه مشاكل ومافيه ثقه بنفسه
وعلى طول يبكي ..

وش الحل معه ؟؟..

واللي عندها رقم طبيب نفسي تعطينياه ..