ولدي دايم يعمل مواقف تضحك الناس

السلام عليكم والله هالولد مدري وش فيه حوسه غير خوانه طيوب وماعنده حظ البااارح عطاه المدرس نشيدة يحفظوها الفصل كله طبعا ولدي جا البيت قالي يمه ذاكري لي قلت له بعد شوووي قام واخذ الكتاب وحفظ النشيدة وجا وسمعها لي راح المدرسه من دخل الاستاااااااذ وهو موقف صبعه انا استاذ انا استاذ قاله الاستاذ خير قاله ابي اسمع الانشودة هو طبعا في رابع ابتدائي قاله الاستاذ ماعليه بعد شوي لما اخلص لان هو قال لهم التسميع بعد بكرة ولدي العجول حفظها ويوم ثاني يبي يسمع يقووولي يمه كل هم ولا واحد رافع صبعه الا انا ولما خلص الدرس قال يلااا هاتو دفاتركم اصححها ولدي قال اناااااااااااااااااااااا استاذ قاله ايه يلاااا سمع يبي يصرفه بس قام ولدي وسمعها قاله ممتاز وشكرا لك والي ذاكر لك قاله ولدي ذاكرتلي امي mariaa قام يضحك عليه المدرس جا البيت ولما قالي انا مت من الضحك عليه ووصيته انه مايقول اسمي واليوم ابي اذاكر له هو وخواته صاير زحمة وابي اخلص بسرعه جات اخته الصغيرة تصيح ودزيتها ششو ي لاني خلاص بنفجر من الضغط اللي علي جا قالي كذااا والله ماني مذاكر حرام عليك في ام تسوي لبتها كذااااا قلت له لالالا امزح معاها تعال عاااااااااد ذاااااااااكر قالي والله ماني مذاكر واخذها وطلع من عندي وقمت اصارخ عليه تعال ذاكر قال لي لالالا والله ذي تعامل بنتها كذا وبالمووووت رضى وذاكر والبااارح رايحة بيت اهلي قال لي يمه شووووووفيني اسجل قول هو يلعب مع ولد اختي صغير عمره 7 سنوات ولما سجل هدف قالي والله سجلت هدف من اجلك افرررررررررررررررررحي!!