ولدي ذو الثلاث سنوات وسلوكياته

السلام عليكم ياحوائيات

عندي كم استفسار للي عندهم خبره في التعامل مع الاطفال
انا عندي ولد بيتم 3 سنوات طبعا ماعندي غيره
وانا حامل بالشهر الثامن

1- الحمام:
انا عارفه اني تاخرت بس المشكله لما نويت اعلمه كان على دول الشتاء وكان يشرب حليب كثير
لدرجة يصحى بالليل يطلب حليب وماكان ياكل طول اليوم لو يموت جوع ولما ينام يطلب الحليب
وماقدرت اقطعه عنه
فكان يتبول كثير بالليل

سؤالي الحين انا لما ابغى اعوده ابغى ارفع الحفاظه كليا لا نهار ولا ليل
كيف اسوي اذا نام كيف اصحيه واوديه الحمام كم مره يعني؟


2-النوم لوحده:
لما كان عمره سنه كان ينام لوحده وعادي بعدين صار يجيه خوف ويظل يصيح
وبعدين صار ابوه يسافر كثير فصرت اجيبه ينام عندي وتعود
ثم جبت سريره عندي سريرنا ينام عندي ثم اوديه سريره واحيانا اقوله ينام بسريره على طول
لكن يرفض ويبكي ويكره سريره حيل واول مايحس انه في سريره وهو نايم يقوم ويبكي ويجي عندي
مع انه جنبي مررررررررره

وصار ولدي عندخ خوف عموما لانه يسمع ماشاء الله حيل وكل شيء وشو ذا وانا اقوله عادي هذا كذا وهذا كذا
وهذا بيتنا وحلو ومايخوف لانه بيتنا وانت كبير زي بابا ماتخاف لكن مافي فاده


ودي اعوده ينام بسريره وياليت لو يكون بغرفته ان لو على بكاءه العادي مو مشكله بس لما يكون يبكي وهو خايف ما اقدر اخليه مستحيل

3-تدخيل الاصابع بالفم وعض الملابس ومصها
انا اتوقع انه شيء نفسي بس مو عارفه وش اسوي يعني احسه قلقان او شيء زي كذا


4- ولدي تبارك الله ذكي وكان يسمع الكلام مو ميه يالميه لكن حلو ويفيد التشجيع او التهديد
الحين مايسمع مني شيء ابد ابد ابد
تعبت اتفه الامور مايسمعها لو عنده المنديل واقول حبيبي جيب لي منديل ماجان
واحيانا يطنش وكنه مايسمع وانا متاكده انه سامعني

مثلا بيروح مع ابوه وفرحان ومبسوط اقوله يالله قوم البسك عشان تروح يقول لا ومايقوم ليما اشيله غصب او اسحبه

لازم اي شيء اقوله اصير اعصب واتنرفز مع العلم لمايكون عندنا احد او مع الاطفال يطبق عليهم كل شيء اقوله
يعني اللي يشوفه كيف يوجه التعليمات وينهاهم عن الخطأ تقول وش هالولد ماشاء الله
يعني عارف وفاهم كل شيء اقوله

لكن ليش العناد ما ادري انا عارفه انه طبيعي انه يكون عنده عناد في هالمرحله بس بكل شيء صعب اتحمل
بالذات مع وضعي الحين

4- صاير لما اتكلم معاه يقول وشو وشو؟؟ قبل مااكمل كلامي ثم لما اتكلم كلمه كلمه احسه فهم هل هذا طبيعي هذي صايره جديد

يعني لما اقول الحين بيكلم بابا بعدين ننزل بالحوش لما اوصل كلمة بابا يقول وشو وشو؟؟


ياليت تفيدوني والقى حلول منكم حبايبي والف الف شكر لكم مقدما