بقـ إنسان ـايا :

سحوري - سديم شحالكن خواتي أنا بنتي عمرها بس 10 شهور فديتها بس لما كنت حامل.. كنت أقرأ كتيبات وفي المجلات عن كيفية الإهتمام بالأطفال وتربيتهم التربية الصحيحة أخواتي الأطفال يحسون بهذا الشي يعني يدركون إنه في إحساس غريب قد يكون مريح... بس هم ما يعرفون إنها "اللذة" وأحيانا أكيد تلاحظون إن بعض الأطفال يمسكون أعضائهم حبيباتي... هم لو كانوا يعرفوا إنها هذي لذه جنسية، وخطأ إنهم يسوونها ما كان سووها جدامكم أختي سحوري من خلال قرائتي وبحثي أنا أخالف الأخت لونا... وأتفق مع ريلج في هذي المرحلة، يستحسن إنج ما تخلين ولدج اروحه، لما تشوفينه ما تنهريه وتهاوشيه بس قولي عيب بابا، وأشغليه بالألعاب أو خليه يساعدك في البيت، الطفل يفرح لما يحس إن الأم تستانس من الأشياء اللي يقوم بيها، مثلا طرشيه يجيب لج حاجة، لما يجيبها شجعيه وقولي له كلام يحمسه... مثلا قعدي وياه وأخته وقولي له... حبيبي إجلس مع أختك شوي إلعب معها هي وحدها وتحبك وتبغي تلعب معك، وراقبيه بس من غير ما يحس، وإذا شفتيه يحاول يمسك عضوه روحي بسرعة واقطعي عليه، بس ما تخوفينه... شوي شوي بينسى الإحساس، هذي الأمور ما تبقى في الذاكرة زي ما قالت الأخت لونا... هذي مرحلة من مراحل نمو الطفل، يكتشف فيها نفسه، وشوي شوي، بالطريقة السليمة راح يعرف إنه غلط وعيب وراح يتوقف أختي سديم أبدا أبدا أبدا لا تهاوشينها، الصراحة، هذا الشي طبيعي جدا في مرحلة نمو الطفل ولكن إلى سن الرابعة، أما إذا استمر الطفل بعد السنة الرابعة، فيجب القلق على الأمر، وربما لم تعالجي الأمر بالطريقة السليمة من البداية أختي... إذا نهرتيها، وهاوشتها... بتكون تسويه بالسر!!!!! وهني عاد المشكلة بتكون جدا كبيرة أنتي أحينة لا تنتظريها تسوي الحركة وتهاوشينها وتصرخين... لأ... جلسي معها كأنج ربيعيتها، لا تخوفينها بس قولي لها... البنت عيب تسوي كي وكي... لا تقولين عن مشكلتها مباشرة لأ... إبدأي قولي مثلا... البنت لازم تكون شاطرة وتسمع الكلام وتكون نظيفة وحبوبة وما تسوي فوضى جدام الناس يعني... إبدأي بالحاجات اللي تحسسها إنها حلوة وشاطرة وتسمع الكلام... والبنت تحب تسمع عن الأمور اللي يحببها في الناس وتدريجيا... أدخلي في الموضوع الأساسي بس مثل ما نبهتك... وأنبهك أحينة إذا تميتي تخوفينها وتهاوشينها... راح تعمله بالسر خصوصا الأطفال لما يمنعونهم من أشياء، يحبوا يكتشفوا مضاره، وهل كلام الماما أو البابا صحيح صح راح تخاف... بس خوفها راح يستدرجها للمجازفة!!!! هذي هي المعلومات اللي استفدت منها وعلى فكرة هذي المعلومة ما ذكرت في كتيب واحد أو مجلة واحدة أو إصدار واحد بالعكس... لأن الأطباء والعلماء أدركوا قلق الأباء والأمهات من هذي الناحية فعملوا اللي عليهم لتوعيتنا... والحمد لله على كل حال الله يحفظ لكم عيالكم إن شاء الله وتشوفونهم يكبرون ويقرون عيونكم

سحوري - سديم شحالكن خواتي أنا بنتي عمرها بس 10 شهور فديتها بس لما كنت حامل.. كنت أقرأ كتيبات...