ماخليت شي من الي قلتيه الا وسويته جبنا له مدرسين بالشهر يأخذون 1500 ريال والله حتى اسمه ماعرف يكتبه والواجبات مايحلونها معه ولا منهم اي فايده وقَعَدت ادور مدرسه لأن الرياجيل تدريسهم خايس بس مالقيت الي تتشرط تقول ابيك انتي تدبرين لي سواق والي مدري شنو عجزت وانا مو عارفه كيف التأسيس يعني علمته الحروف الحمدلله بس انه يكتب كلمات وكذا ماقدرت افهمه مدري وش ألطريقه

يعني ولدك الكبير الان مايدرس؟؟؟؟

اتوقع الغلط من طريقتك وقت المذاكره والطفل اذا ما اتأسس من اولى ابتدائي وثاني وثالث صعبه يقدر يكمل لان المناهج مو سهله عليهم.

ادعي له كثير وحاولو بكل الطرق الله يساعدك.

والله مدرسه ولدك مفروض من اول ماعرفتي غيرتي مدرسته حرام طفل صغير وتهديد واهانات وسب اكيد بيكره المدرسه ويخاف الله يعينك
لكن فصلتيه من المدرسه؟؟؟ لااااااا ياختي الله يصلحك وش تفصلينه غيري مدرسته اما تفصليه حراااام كيف يتعلم والحين مافي طفل مايدرس حتى الامهات الاميات صارو يدخلو مدارس الكبيرات ويتعلمو مررره غلط موضوع تفصليه نهائيا الحين متخرجين من الجامعه وشهادات ومو محصلين وظايف فكيف عل وقته ان شاءالله!!
بالنسبه لطفلك الصغير لازم يتأسس صح اول وثاني وثالث غالبا هي مده التأسيس انا ماعندي اطفال بالابتدائي بس اشوف اهلي واللي حولي ممكن تختاري مدرسه له قويه ومع كذا لازم متابعه من البيت يعني لاتعتمدي فقط عل المدرسه لكن كمان لازم مدرسه ممتازه بذات بمرحله التأسيس لان الطفل اذا تأسس صح اول 3 سنين بالابتدائي بعدها خلاص يريحك
والطفل الكبير لاتتركيه حتى لو تدخليه مركز بعد المدرسه مثلا عصر يكون فيه قران وعربي لانه لازم شده عليه شويه خصوصا برابع الله يحفظه وانتي كمان ادخلي عل مواقع تعليم الاطفال وكل يوم خصصي وقت لتعليمه بجديه الاساس
الله يعينك ويساعدك وييسرامرك يارب

أنتي أمسكي ورقه و خطي بالخفيييف الحروف وخليه يعيد عليها وعلميه أ ب ت مو صعبه


أنتي متعلمه أو لا ؟ عذراً بس وضحي لي ووشلون مدرس جاه ولا عرف يعلمه حروف ؟ عجيب والله
الله يكون بعونكم

القاعدة النورانية
انصحك فيها شوي اليوتوب شروح
جيبي له معلم يعلمه القاعدة النورانية ياكثرهم
راح يتعلم وترتاحي