ولدي عذبني وجنني ورفعلي الضغط الله يهديه

ولدي عمره ماشاء الله 14 سنة ولد على ثلاث بنات الله يحفظه هو الثاني من بين اخواته
واحنا مهتمين فيه والله ماشا الله ابوه مدخله احسن مدرسة ومعهد وماشاء الله كل وسائل الترفيه متوفرة له ماعليه قاصر
مشكلته مادري كيف لوصفها بس ياذي بالبيت كله بأخواتها وياذيني يدور الاشياء اللي تغضبني ويسويها يستفزني كل مشافني جالسة مروقة اذا كلمته كلمة يرد ب10واذا بيده شي يرميه قدامي بعصبية وانا طول اليوم لتضارب معاه احاول امسك اعصابي ماقدر طريقته استفزازية
قبل يومين كنا نتعدى برة مع امي ابويا وهو من وراية ياذيني ويخبط بظهري وانا مو راضية اكلمه مطنشته بعدين صار ياذي باخته الصغيرة وانا اقوله يماما عيب يماما انت كبير ميصير كدة والله ولا شي وربي مو من عادتي أمد يدي عليه لكن اضطرني قدام اهلي والناس فلتت اعصابي منه
دائماً يقول امهات أصحابي كبار انتي صغيرة وماحس انك امي لان اصحابه كلهم يقولولو امك شكلها صغير ماشاء الله طيب هذا مو سبب الاحترام واجب عليه واذا جلست أتناقش معه وانصحه يقلب الموضوع بمزح
وكل شوي يقولي انتو بس تتضاربو بالبيت حياتنا كلها مشاكل واذا ابوه صارخ عليه لحظو اقول صارخ يعني ابوه عمره ممد يده على اي واحد بالعيال يغمس عليه ويجيه ضيق بالتنفس
مادري تتوقعو هذا شي طبيعي ولا
ودي اجلس معاه بدون مشاكل والله انا تعبت منه يعني سبحان الله كان ناقصني ولدي يطلعلي كدة مع انه انا بارة جداً بامي وابويا والحمد الله وزوجي كان بار بامه وأبوه لكن مادري هذا طالع لمين الله يستر من ها الجيل