ولدي عمرة سنتين بغى يودعني اليوم بس الله ستر

تخيلو اعندي ولد عمرة سنتين وثلاث اشهر كان بيودعنا اليوم

لكن احمد الله على سلامته تدرون وش سوى


طلع اخوه الكبير وخلى باب الشارع مفتوح طلع الصغير بدون ما نحس فية المهم تقريبا خمس دقايق الا الباب يدق

رديت علية الا هو رجال يقول خذوا ولدكم لقيناه عند البقاله ماسك الهندي ويهزئه يقوله يابزل يعني يابزر

بصراحه انا ما ادري وش اسوي في ذيك اللحظة طبعا تعرفون قلب الام ما قدرت امسك دموعي فرحة بسلامته لان الشارع المقابل للبقاله عام وخطير بس الحمد لله الي حفظه

طبعا هذا درس لن ننساه

واحذركم خواتي بعد ترى فقدتهم صعبة الله يحفظهم

ولا تنسون دائما قبل الخروج من البيت وقبل نومك تقولين اللهم اني استودعك نفسي وابنائي وزوجي وبيتي وما املك

والله ان هذي الدعوة سبب بعد الله في حفظ ولدي

طبعا ما انسى اقولكم اني سجدت سجود الشكر لانه حفظه

اللهم لك الحمد كما ينبغي لجلال وجهك وعظيم سلطانك