انا بأنتظر الى نهايت هذا الشهر اذا ما انقلب عرضته على دكتور
ومشكورات اخواتي

هلا اختي حواء انتي طفلك ذكر ؟؟

خواتي يقولون الذكر يتأخر شوي

عادي في اطفال ما يحبون يجلسون ويوقفون ويمشون بس ما يحبون هذا شي طبيعي والنمو يختلف من شخص لآخر

أنا طفلي كذلك بيكمل الخامس وبيبدأ السادس ولين الحين ما انقلب بس حركات رجله تكون مثل ضربات قويه عادي .. انتي حاولي تعودينه يمسك الاشياء حطي في يده وان طاحت رجعيها له لأنهم ما يقدرون يتحكمون بس يحاولون ..

واستشيري الطبيب بعد علشان يرتاح قلبك .. لما بتروحين للتطعيم اسئليه

عطيه زيت كبد الحوت ودهني رجليه مره بزيت الكبد الحوت ومره زيت زيتون وبتشوفي النتيجه بشهر........بس علمينا عاد والا ارسلي لي رسالة

بنتي عمرها سته شهور ونص ولاانقلبت مدري ليه

انا ولدي ماانقلب الا لما كمل ست شهووور ودخل السابع

يعني عادي لاتخافين مثل ماقالو الاخوات كل طفل يختلف عن الثاني

ومابدى يحبي الا لما كمل عشر شهور ويادوب يزحف بس

مش يحبي على الركب . يعني ينام على بطنه ويزحف جسمه كله مثل الزواحف هههههههه

بس يقدر يصرف نفسه ههههههههه

وانتي لاتحاتين وهو راح ينقلب ويحبي ويمشي ويجننك بعد