ولدي عمره سنتين ضاع مني

السلام عليكم ورحمة الله وبركاته


اليوم يابنات ضاع ولدي بالسوق انا اعرف ولدي شقي بقوه واحطه بعربة هايبر بنده بس محل ستي ماكس رفض يدخلني بها وقالي ابحرسها لك ولما طلعت ماحصلتها ونزلة ولدي وانا ماسكه الاغرض راح ولدي يركض ثم اختفى بين الحريم ادوره في المحلات ماحصلته بصراحه بكيت واسال رجال معه حرمته ويصد عني واسال الحريم ساكتين اقول لهم شفتو طفل عمره سنتين لابس كذا وكذا ولا ردو علي واسمع بنات يضحكون على بناتي الصغار وهم يبكون معي يقولون ياحياتي ياقلبي


وحده الله يجزاها الف خير قالت لي رددي دعاء الهم اجمعني بضالتي واردد واطلع ادور الافيه رجال الله يجزاه الف الف خير ويحرم وجه عن النار شافني ابكي وراح يدور معي ولقاه طالع برا السوق وجابه بس انا على طول حضنة ولدي ونسيت اشكره


بنات اناهذا ولدي وحيد بين بنات وانهبلت عليه


الزبده يابنات ليش الناس ماعاد ترحم والله هالرجال الي ساعدني ماكلمته ولاسالته بس هو رحمني والبنات الي سالتهم قاعدين يضحكون ويستهزؤن


مابي اطول عليكم بس انقهرت من البنات والرجال الي خاف من حرمته وصد عني انتو لو مكاني وش بتسوون


هذا ضياع طفل مو لعبه حسبي الله على ستي ماكس واشكاله