السلام عليكم..اختى برونزيه ماعندى مشاركات تكفي للرسائل الخاصه.فاسمحى لى...بالنسبه لولدى عنده توحد متوسط ..بس انا لاحظت بعض الصفات المشتركه بين اولادنا...
يحب يدور على نفسه ويحب المروحه..

احسه مايفهم وابسطها لما اقوله ارفع يدك
مايقلد اي كلمه اعلمه اياها يعنى اقوله قول جده يطنشنى
مايتقبل منى اعلمه ولا شى
مستحيل يقعد بس يتعبث بكل شى
عنيد
وارجع اقول اعرضيه على اخصائيه نفسيه هي اعرف..ولا مانع من اخصائى تخاطب..صدقينى جربى وعسى انه كل ماتوقعته يكون مجرد ظن بس اناتركت ولدى لين 4 سنين يالله رحت التخاطب والله انى شفت امهات بالمركز تنبهن لعيالهن بسن السنتين واقل ..

شوفي عزيزتي ..
كان واحد من عيالي .... وهو صغير خلص 2 سنتين ..وهو ما يعرف الا يقول ماما بابا ... وهو هو ...يعني كلب لانه شاف كلب عند اهلي بمزرعتهم ..فيسميه هو هو ..
المهم رجعت لبيتي وعمرها في هذاك الوقت .. 2سنة وشهرين ..تقريبا ..راجعت به دكتور اذن وحنجرة خاص بالاطفال ..
وقال لنا ولدكم فيه موية باذنه ... من الولادة تخيلي ...
المهم نظف اذانيه ...وطبعا تعب الولد علينا ..اسبوع وعلاج مضادات ..الخ ...
المهم طلب منا الطبيب انه نكتب كل كلمة ينطقها ولنا فرصة شهر ..بعدها يقرر وضعه الصحي..
المهم خلال شهر ودفتري وقلمي معي اتكلم وننطقه بالبطاقات ..الخ ..ونطق 500 كلمة او اكثر خلال شهر ..تخيلي ..
طلعت المشكلة من اذنه ..
فانتي روحي به طبيب اطفال ..يفحص السمع عنده ..اولا..
بعدها هو يدلك على من تروحي له ..
ولاعاد توسوسين من كلامك وضع طفلك طبيعي لكن يحتاج فحص ..عند طبيب اطفال فقط ...

انا ولدي كمل 3سنوات وماتكلم ولاكلمة حتى ماما وبابا مايعرف والحين الحمدلله صار يتكلم عادي

ان شاء الله مافيه الا كل خير
انا ولدي عمره 3 سنين ولايكمل جمله ووديته مركز نطق
فقال الاخصائي لازم تتكلمي مع ولدك مو لازم يركز معاك او انك بالقوه تخليه يسمعك
مثلا لما تجي توديه الحمام تجلسي تقولي بودي حمودي الحمام /حمودي يدخل الحمام /حمودي طلع من الحمام
فتلاحظي ان الحمام دخلتيه في ثلاث جمل بعد فتره تلاحظيه يقول حمام
فكرري عليه الكلمات في جمل مختلفه لازم يكون عنده حصيله لغويه داخليه وبعدها راح تطلع حبه حبه
انا بدات كذا مع ولدي وماشاء الله بدا يتكلم يقول اسماء الفواكه والحيوانات
اتمنى افدتك

بنات مشكورين الله يطلق لسانهم ونشوفهم يتكلمون وبصحه وبعافيه يارب