انا ولدي ختنت له يوم كان عمره 17 يوم
والان عمره 6 شهور

لمن ختنت له وديته لمستشفى ومارضيت اوديه للطب الشعبي
عشان حسيت ان المستشفى حيخدروه << بكرية ماني فاهمة
طبعا ماخدروه لانه بيبي وختنوه عادي
وياليتني رحت للطب الشعبي اللي فاهمين وماعندهم اخطاء ولا عيوب ومهنتهم ابآ عن جد

الجلدة نفس حكايتك زايدة
واحيانا يضيع راس الذكر بالكامل جوا خصوصا لمن يكون بالحفاظة مدة طويلة
ولمن انظف له احتاج اسحبها لورا عشان ان البودرة والكريمات والوسخ يدخلوا جوا
ومرة سببت له تسلخ بالجلدة من كثرما اشدها

رحت وديته ع طول بعد اسبوعين من ختانه لعند الدكتور فخري
هذا دكتور مشهور بجدة يجو له من كافة المدن السعودية
طبعا من زماااااااااااان هوا وكبر خلاص وعلم الشغلة لبنته اللي ممارسة من سنين طويلة بالختان وصار هوا شغلتهم يزبطوها وفاهمين فيها

المهم بنت الدكتور فخري هيا دكتورة اطفال كمان
قالت لي انتم اديتم السنة وختنتم له وليس عليكم اعادته
لكن هذا نص ختان وليس ختان كامل
يعني اذا تبغوا تسووا له ختان ثاني سيكون تجميلي وليس ختان واجب
زوجي قال مادام انه مجرد للشكل يعني خلاص ماله داعي نعذب البيبي مرة تانية
وروحنا

ظليت موسوسة
وماصبرت
استنيت لين صار عمره 4 شهور
واخذته مرة ثانية بعد زن على زوجي
لعند الدكتورة نفسها
قلت لها شوفيه يادكتورة ما ابغى الولد يتعقد لمن يكبر ان فيه عيب بالختان
قالت لي: شوفي المستشفيات صار ختانهم حاليآ كذا
وبالنسبة للولد هذا ما يأثر ع الولد حيكبر ويتزوج ويشتغل مية مية ويخلف ويجيب اولاد
يعني هذي مجرد ناحية تجميلية والامر عايد لكم تحبوا نقص مرة تانية؟
زوجي برضو قال لا
وانا كمان قلت خلاص ماله داعي مادام انه مجرد تجميلي
قلت لها طيب والتنظيف؟
قالت عادي لمن يكبر حيكبر العضو ويملي الجلدة ذيك وتروح المشكلة

انا برضو ما اقتنعت
رحت نزلت موضوع في منتدى اخر برسل لك رابطه الان
ردوا عليا بنات ع الخاص وع العام
كثيييييييييييييييييييير زي ولدي ولدك
بس اللي طمنني في الاخير انه طلع ان الزيادة في مصلحة البيبي
تعرفي ليش
بقولك ردود البنات وانتي حتعرفي

واحدة قالت لي: اسودت الدنيا في وجهي يوم غلطوا في ولدي وقصوا الجلدة بالمرة لدرجة انه حاليا متعلق بس بنتفة وجالس زي المشدود على طول
ياليته زودوا الجلدة ولا انه يقصروها كذا

والثانية قالت: ولدي ختنت لهوهو صغير ختان كويس
وبعد شهور امي بدلت له الحفاظة ولاحظته مايقوم وقالت لي ايش فيه ولدك مايوقف عضوه زي الاطفال
خفت ووديته لدكتور فقال لنا ان العضو صار ينمو لجوا وانه لو تأخرنا يمكن يصير الولد معيوب لمن يكبر
وسوينا له عملية مستعجلة لأعصاب الذكر بنفس اليوم والان صار الحمدلله كويس وينمو طبيعي
ودام قالولك ان ولدك مافيه عيب في الذكر نفسه يعني عادي الختان مسأله تخص الشكل فقط

والثالثة قالت: ولدي نفس الشي الجلدة زايدة وخفت لمن قريت موضوعك قلت لزوجي ووديناه للمستشفى بس الدكتور طمننا وقال ان الاطفال كذا عشان الحفاظة وجربي غسليه وحطيه بدون حفاظة كم ساعة بتلاحظي انه راس الذكر ظهر وماعاد يتغطى بالجلدة

الرابعة قالت : لا تخافي ولدي كان كذا وكنت اتعب بتنظيفه واقول لاهلي ويقولولي عادي كل الاطفال كا وهما صغار بس لمن يكبروا تروح المشكلة وانا ما اصدقهم
وفعلا الان عمر ولدي 8 سنوات وصار طبيعي
لان الذكر يكبر ويملي الجلدة وتروح المشكلة

الخامسة قالت : زوجي دكتور وسألته عن ولدك وقال ان المستشفيات ارت تزود الجلدة هذي الايام عشان انه كان زمان يقصوها زيادة فتصير للبيبي مشاكل لمن يكبر يكون عضوه مشدود
بينما الان يطولوا الجلدة عشان يطول العضو ويكبر براحته ويعطيه مجال اثناء الانتصـاب عشان يكبر زيادة

(( شفتي يا - امتي لاتحزني- ان الزيادة في صالح البيبي لمن يكبر))
انا ولله ما ارتحت الا بعد ردود البنات ذي لانهم مجربات نفس الحالة
وكمان عشان ان الختان الثاني مجرد ختان تجميلي
انتي زيدي اعرضيه ع دكتور اطفال وعلى جراح ووديه عند اشهر دكاترة في الختان واسأليهم هل طول الجلدة يأثر عليه لمن يتزوج؟
اذا مايأثر خلاص حرام تعذبيه
هوا حيتحسن بعد سنين ويصير فلة شمعة منورة ويبيض الوجه لمن يتزوج

انا عطيتك تجربتي لاني ظليت مهمومة ع ولدي
بس دحين تطمنت

انتي زيدي عايني البيبي عند دكتور ثاني واسأليه هل الختان الثاني مسألة تجميلية ام ضرورية

واذا حتيجي جدة وديه عند بنت الدكتور فخري في باب مكة
او الدكتور السبع برضو مشهور جدآ ونص اولاد جدة مختنين عنده
اتصلي ع الاستعلامات واسألي ع رقم العيادات
اعتقد رقم الاستعلامات 907 او 905 ماني فاكرة

طولت كلامي ولله
بس رحمت ولدك من العذاب وحاسة فيكي لاني كنت في نفس الوضع

سبحان الله نفس المشكلة بس الدكتورة طمنتني تقول طبيعي مدام مايبكي ولا يتالم خلا ص طبيعي بس انا مو مقتنعة لانه مونفس ولدي الكبير

لا تظلي تحكي لاهلك او قرايبك او صاحباتك عن ولدك
لانه الولد حيتحسن ويكبر ويير كويس بينما الناس حيظلوا يفتكروا ان فيه عيب
حتى لو جاء مستقبلا كبر وجاء يتزوج حيذكروا ان ختانه غلط
لا تشوهي في ولدك ترى مافيه الا العافية ولا تناقشي هذا الموضوع الا مع زوجك فقط يعني لاتعلمي احد

لا تستعجلي بالعمليه اسالي اكثر من استشاري بس مجرب ومشهور واهم شي ما يسببله مشاكل لما يتزوج

أدفع لكن شكراً مزيدا ودعاءً وافرا لكل من أفادتني وبأناملها خطت تعليقاً لأختكم المتواضعة..
أشكركم من الأعماق وأحي فيكم هذا التعاون ونشر تجاربكم لي..
استفدت كثيراً من ردودكم وأظن أن ابني من خلال ما استلهمته من كلامكم أن ابني لاااااااايحتاج إذن للعملية ..
وسأعرضه قريبا على أخصائي مسالك لأرى الرأي الفيصل في موضوع ابني..
حبيباتي:
(( الغيم ، عابرة سبيل222 ، جنى6 ، umziad3 ، حساسة911 ، روان ، أم أوسان ، سعودية ، أم فجر ))
وجميع ألأخوات اللاتٌي كانت ردودهن في الصفحة الأولى
مشكوراتٌ..فاضلاتٌ..مباركاتٌ..
بارك المولى فيكن وزاد الله من أجركن و أنار الله دروبكن بالخير والتقى.
أختي أم أوسان الله يسلمك سأضع تجربتك في بالي والله يحفظلك غواليك و ولدك، لطرح تجربتك لي مفصلة واضحة الله يعطيك ألف عافية..وموضوع ختانه أبدا ماطلع لأحد غير أهلي وأهل زوجي والكل محرص إن الموضوع يكون خاص ولا يخرج أبدا .
وربي يحفظلي ولدي وأولادكم وبإذن الله الأمور ستسير إلى خير.