ولدي عمره عشر شهور ومااعرف وش اكله ساعدوني

مرحبا حبيتي ..
شوفي بقولك خبرتي وخبرت غيري تعلمت كثيرمن هالمنتدى الله يوفقهم وفيه أشياء كثيره الحين بس عرفته وماسويته لبنتي لانه ماكنت أعرفها إبحثي بهالمنتدى فيه اكلات كثيره البنات مايقصرون الله يوفقهم يارب وانا بكتب كل شي عندي ..
إكتبي عندك كل شي وكل يوم سوي حاجه على حسب اللي تقدرين بس حلو يصير عندك جدول فيه أكلات علشان لمن يجوع ماتحتارين إيش تعطينه(( شوفي ياقلبي ))
قبل كل شي لمن تعطينه حليب لاتعطينه اكل على الحليب أبد لكن لمن تعطينه اكل وتحسينه ماشبع عادي تعطينه حليب فوق الأكل وإصحي تعكسين لانه يجلس على معدته
أولا:
بالنسبه للحليب إذا هو يرضع حليبه كويس يعني 7 او ثمان ملاعق كذا حلو إجلسي ساعتين ونص وأنصحك نصحيت أخت لأختها وبتدعيلي مع كل رضعه حطي معها ملعقه سيريلاك بالمقمح او الحليب والقمح أحلى طعم بيتقبله مع كل رضعه بدون ماتزيدي كمية المويه ماراح يأثر
ثانيا:
خوذي ملعقتين أرز مصري + بطاطس وكوسه وجزر من كل وحده نصف (وبعدين بفرامة الجزر والبصل ) خليه ناعم بالمره إغسلي الرز وحطي عليها الخضار وذرة ملح وذرة حلبه وذرة كمون حبتين هيل وكوب مويه ولمن تحسين إنه إسوتى بعد نص ساعه تقريبا (يطبخ على نار هاديه) أضيفي مثلث جبن وحركيه وبعدين لمن يبرد إغرفي له في باديه لها غطى محكم وحطيها فوق بالثلاجه ليومين موش اكثر طعمه حلو وراح يتقبله ..
ثالثا
1/حطي له بالرضعه نص برتقاله مخفف بالمويه وحليه بسكر النبات (يوميا زين للمناعه وفتامين c)
2/ نص تفاحه بالملعقه الصغيره حكيها وعطيه (وكذلك الموز والكمثرى)
3/ إعصري نص البرتقاله المتبقيه وحطي معه سيريلاك فواكه
4/ بالخلاط حطي قطعت موزه وتفاحه وبرتقاله وكمثر وعنب خليه ناعم وعطيه بملعقه(وتقدرين تضيفين ملعتين سيريلاك فواكه
على فكـــــــــــــــــــــــــره ترى الفواكه ماتشبع يعني لمن تعطينه لاتطولين بالوجبه الثانيه
رابعا
شوربة شوفان+ عدس ( شوفي تسوين فيها نفس الرز المصري لكن بدل الرز المصري تحطين شوفان وعدس ولو تبين بدون خضار بس شوفان وعدس برضوه حلوه) جدا مفيده
خامسا
بيضه إخفقيها من قليل من الجبن ـــــ أو بيض مسلوق عطيه كامله لانه بسم الله عليه كبير 10 شهور
(عطيه من الأكل اللي تسوينه لبيتكم لانه 10شهور خلاص ياكل معاكم عادي بس بدون الأكلات اللي فيها زيت )
سادسا
زبــــــــــــــــــــــــــــــــــــــــادي مهم جدا ومفيد جدا كل يوم لازم تعطينه لو نص علبه
سابعا
مره بالإسبوع مثلا سوي له مهلبيه كريمه وقللي السكر
ثامنا
بالخلاط الصغير ربع صامولي + 3 حبات تمرات+ الحليب اللي تستخدمينه ملقعه فقط وإضيفي قليل من الماء راح يعجبه حلو طعمه بالمره للاطفال
أتمنى أكون أفدتك دعواتك لي ربي يشرح لي صدري وييسر أموري انا وزجي ويشرح صدورنا ويهدينا
(((((((((((( انا حاظره لأي إستفسار)))))))))))

الله يعطيك العافيه ويجعله في موازين حسناتك وتروحين لديرتك وهم باكمل صحه وعافيه

:09: النت قطع وراااح كل اللي كتبته بس لعيونج بعيد كل اللي قلته ..

طبعا الاخت مشتاقه ما قصرت وقالت كلام واايد وحتى أنا استفدت من أطباقها وان شاء الله بجربها ..

شوفي حبيبتي ولدي ربي يحفظه عمره 11 شهر يعني أكبر من ولدج بشهر .. بس هالاكلات أنا اسويله اياها من عمره 6 شهور والحمدالله صحته كويسه ربي يحفظه ..

المهم هذه قائمه الاكلات اللي اسويها حقه .. :

1- رز مع خضروات أو عدس مع خضروات أو خضروات بروحها ( طبعا أسوي الخضروات المتوفره في المطبخ بطاطس و جزر وكوسا وقرع أو يقطين و باذنجان وقرنبيط و ملفوف و غيره ) واضيف لهم اشويه ملح واشويه كركم ( حسب الرغبه ) وممكن تضيفين البصل والثوم تراهم مفيدين جدااااااااا لقتل الجراثيم وتنقيه الجسم وصحته عموما .. وممكن تضيفين وريقات من البقدونس والكزبره .. وخليهم يطبخون على نار هاديه لين يستوي كل شي واخلطيهم في الخلاط وبامكانج تضيفين معهم قطعه صغيره من الدجاج بدون عظم أو قطعه لحم أو سمك ..

2- شوفان مع حليب أو مع خضروات

3- معكرونه وطبعا أختار الانواع اللي حباتها صغيره واخليها تنطبخ عدل واخليه ياكلها جذه بدون هرس عشان تتعود معدته اشوي على الاشياء الجامده وعشان يحرك اسنانه وياكل فيهم اشوي ..

4- سيريلاك ( طبعا جاهز واختار انواع مختلفه مثلا مع التمر أو مع الفواكه او مع الحليب ) ..
ونفس الشي اختار من الصحه قمح مع حليب او قمح مع فواكه ..

5- سيريال تصبح على خير ( أرز مع لبن و8 أنواع خضروات ) طبعا جاهز بس أضيف له الماي ..

6- فواكه مشكله ( مرات أعطيه العلب الجاهزه ) ومرات أهرس له اي شي أو أحط في الخلاط أي أنواع مختلفه مع بعض وأضيف لهم قطعه جبن ..

7- مهلبيه بالحليب أو كاسترد ( مرات أعطيه الجاهز ) ..

8- بين الوجبات عطيه أي شي يتسلى فيه مثل البسكويت الخاص بالاطفال أو قطعه تفاحه مقشره أو قطعه خياره مقشره أو خبز مع جبن او قطعه صمون أو شريحه جبن .. المهم انه ايأكل عمره ويتسلى بنفس الوقت ويتعلم كيف ياكل ...بس اتحملي الوساخه في المكان ..:eek:

9- طبعا الحليب أنا أعطي ولدي متى ما أحسه يوعان بس بعد وجبات الاكل وليس قبل علشان ياكل ..
وأعطيه عصير طازج أو مرات عصير فواكه مشكله من لاكنور ..

بس هذا اللي تذكرته احين ..

وربي يحفظ لج ولدج من كل شر وادعيلي ربي يحفظ لي ولدي ويبارك فيه ..

ولج مني أرق تحيــه ..

الله يعطيك العافيه يااختي بثينه ويحفظ لك ولدك من كل مكروه بس وش اسمه الصغنووون علشان اكبرك اقولك أم---------- ومشكوره ياقلبي

عادي غديه من غداكم وعشيه من عشاكم ..بس لازم ماتعطيه قطع كبيرة ويابسة ..