الله يككووون بعونكم جميعا انا ولدي سنتين ونص وموراضي يرمي الحفاظه كل ماابغا اعلمه ع الحمام يرفض يبي يلبس حفاظه
مثل ماقالو لك الاخوات تجاهليه وكثري له غياراته الداخليه وجربي تحطين له وقت معين يروح فيه الحمام يسوي النونو

الحمد لله على كل حال ولدي عمره 5سنين ونفس مشكلتك. الحين اعالجه علاج سلوكي

شوفي انا صارت لي مع بنتي الكبيره واتوقع بسبب حاجتين :
اولا : علمتها عالحمام وهي توها سنتين ونص وبعدها بسنه انتكست وصارت نفس حالة ولدك ...
ثانيا : علمتها الحمام وبعدها حملت باخوها ولما ولدت بدت تنتكس وتسوي كذا فاتوقع الغيره لها دور ....
ثالثا : مره كنا بشاليه وغرقت بالمسبح وانقذناها ياربي لك الحمد وهذا الشي والخوف اللي خافته زاد الموضوع معاها ورجعت اعلمها الحمام من اول ...
يعني اللي ابي اقوله انه في سبب للانتكاسه اللي صارت والحمدلله بعد صبر وطولة بال صار كل شي تمام الحمدلله وقدرت اتجنب هالشي مع ولدي الحين ماعلمته الا بعد ماصار عمره ثلاث سنوات ونص والحمدلله ياربي ماتعبني ابدا ...
المهم طولي بالك وابعدي عن العصبيه وطنشيه واعرفي انها فتره وبتمر ان شاء الله ...

كل ساعه اسأليه تبي تروح الحمام او لا علشان ينتبه
واشتري حلويات ومصاص وكل ماراح الحمام اعطيه كتشجيع له

اذا جاء يعمل براز اطلبي منه يقولك ولبسيه بامبرز او اذا انتي عارفه الأوقات الي يعمل احتمال مره واثنين يستحي من الحفاظه ويبطل يسويها ع نفسه