السلام عليكم ورحمة الله وبركاته
اخواني واخواتي ابغا مشورتكم
عندي طفل عمره ثلاث سنوات لايتكلم عنده فرط حركه ويخرب بالدولاليب ويكسر لايستجيب للاصوات واسمه
لاكن يسمع لو راح للغرفه الجوانيه وانا بالصاله اشغل الجوال اغاني اطفال يجي بسرعه وياخذ الجوال ويلعب فيه ويعرف يقدم الفديو ويتخطا الإعلان يحب الدوران حول نفسه
اكثر من شخص يقول عنده توحد وشفت في اليوتيوب كم دكتور يتكلم عن التوحد اغلب الاعراض في ولدي
انا وامه في حيره لدرجه معاد نعرف نفكر او نتخذ قرار
هل فيه مستشفى فيه دكتور يخاف الله لان الاغلب همه الفلوس
فيه شخص نصحني اسوي له اختبار للسمع وتخطيط كهرباء المخ ممكن يكون عنده مشكله
هل فيه مستشفى يسويها ويكون كويس
ارجوكم ارجوكم قلولي ويش اسوي ووين اروح
ارجوكم
يلزم عليك تسجيل الدخول أولًا لكتابة تعليق.
Roro3698
•
عزيزتي خذي لكً تحويل من مستشفىُ حكومي لمركز فيصل التخصصي بالرياض
نفس ولدي شكينا ان عنده توحد فيه عنده نمطيات يمشي على اطراف اصابعه ومايتكلم ومايستجيب لأسمه لكن يستجيب لصوت الاغاني في اليوتيوب عمره ٣ سنوات و٨ شهور وديناه مستشفى الولاده والأطفال وتم تشخيصه بواسطه اللجنة الوطنيه للنمو والسلوك والتوحد بوزارة الصحه ب اضطراب التواصل الاجتماعي.. اضطراب يشبه للتوحد بشكل كبير لكن مو توحد.. انصحك تاخذ له تحويل لقسم النمو والسلوك بمستشفى الولاده وهم يشخصوه
بالنسبه لاختبار السمع سويناه في مستشفي حكومي بتحويل من مستشفى الولادة والاطفال اما تخطيط المخ قالو مايحتاج
توت ورد
•
هاذا ليس توحد بل هاذا ثاثير الجوال والتلفزيون عليه ابحثي عن الدكتور مصطفى أبو سعد ماذا يقول عن قنوات التلفزيون انها تظهر على الطفل أعراض مشابه للتوحد
Alteeb
•
اذا كان ولدكم يجلس على التلفزيون والجوال مدة طويلة ومن عمر صغير فالي عنده توحد اجهزه شوفو برنامج اندلسيه على اليوتيوب وطبقوة مع الولد وراح يعالج لكم كل هالمشاكل بس استعجلو عليه قبل مايكبر ويصعب الموضوع
الصفحة الأخيرة