السلام عليكم ورحمة الله وبركاته***كيفكم امهات وحوائيات وحياالله من دخل موضوعي ربي يحفظ لكم عيالكم ويكفيهم المرض اللهم امين***
طبعا عندي ولد خديج عمره 7شهور قبل اسبوع تقريبا ماشفته الا وهو يرفع ايدينه لفوق بحركه لااراديه طبعا وعيونه فيها خوف ويناظر شمال يمين تحسون الولد مشتت اناديه يناظرني بس لايضحك ولا يرضع بس يناظر ويقعد يكرر حركة ايديه تقريبا 10 او 12 مره يرخيها شوي وبعدين يرفعها وتستمر معاه 5 الى 10 دقايق وفي كل يوم يسويها 5 او 6 مرات وديته مستشفى الملك فهد وبعد عمل التخطيط للدماغ تبين ان عنده شحنات كهرباءوعطوني علاج اسمه سابريل
امي يوم شافت ولدي يسوي الحركه قدامها قالت هذي فجعه يعني خرعه او روعه وبالفعل اخوانه قامو يصايحون قدامه قبل لاتجيه بكم يوم وهو نايم وقام مفزوع ويبكي وخايف
امي عطتني زيت منقوع فيه مرو مقري فيه ودهنته بس مافاد وكل يوم ارقيه ولا اخليه لحاله ابد
ولما رحت للمستشفى قعدت اسولف انا ووحده هناك وقالت لي لازم تشوفه حرمه لها خبره بامور الاطفال وهي بتفيدك علمت زوجي قلت خل نوديه لحرمه تمرخه ولا تعطيني علم ان كانت فجعه قال لاتصدقين هالخرابيط واستمري على العلاج وبس طبعا انا مابقطع العلاج بس فعلا ودي ارتاح وخصوصا انه كان يلعب اليوم وقام ابوه يهاوش بصوت عالي وفجأه الا يسوي بيديه نفس الحركه وبقوه بعد وتشوفون الخوف بوجهه ويناظر ياقلبي من كل جهه ويبي يبكي حيرني وربي معاه انا خايفه ان علاجه بسيط اذا هي من الخوف ودي اريحه مسكين لانه طول اليوم وهو قرفان ومضغوط والحبوب زادت نرفزته وهو من التسنين تعبان خلقه
الله يسعدكم يابنات اللي عندها علم او تعرف شي عن هالموضوع تفيدني وتقول لي شفي مريضهم ولا طول وهل هي روعه ولا شحنات كهرباء والله يحفظ لكم كل غالي ويعافي ولدي يارب
##ام الهنوف## @am_alhnof_4
محررة فضية
يلزم عليك تسجيل الدخول أولًا لكتابة تعليق.
الله يجزيكم خير واما الجو الهادي خلوها على ربي الله يهدي عيالي صعب السيطره والله على اصواتهم بس الشكوى لله
الصفحة الأخيرة
ولاتتركين الرقيه وودوه لمستشفى ثانيه اتاكدوا وان شاءالله ماصاير له الا الخير