الان عمر ولدي سنتين وسبع اشهر ولا راحت وش الحل :confused:

الورده_1

نفس اخوي

وقالوا عن الحاله اذا وصل عمره سنتين ولا راح نسوي عمليه

وجائ سنتين ولا راح

وهو اتوقع قال الدكتور انها فتحه بين البطن وبين الخصيه

تنزل المصران للخصيه وتنزلها لتحت

وصار عمره 3 سنوات ولا راح

و4 سنوات ولا راحت

و4 سنوات ونص

سوينا له العمليه والحمد لله اللحين تمام ماشاء الله تبارك الله

ياربي وشكثر اعني يليت تقولين لي عند اي دكتور سويتو العمليه

اذا انتي من الريااض انا سمعت ان مستشفى المباارك ممتاز في الجراحه
والله وانا اختك مدري وينه فيه ذا المستشفى بس سمعت من اكثر من دكتور يمدحوون جراحينهم
هم يقصدون الجراحه عموما بس ما ادري عن حاله ولدك خصوصا شاطرين فيها والا لا

اهلين حبيبتي وردة انا اختي ولدها عمره 3 شهور وعنده هالحالة وهي فتق في اسفل البطن بعدين تنزل المصران للخصية يطلع شكله يخوف كبيرة مرة من اول ما ولد والدكتور قال اذا حابين نسويها الحين تراها سهلة المهم صار عمره 3 شهور وسووله العملية الشهر الماضي والحمد لله رجعت كل حاجة لطبيعتها والحمدلله ..


بالنسبة لمستشفى المبارك فهو في حي المربع تعرفي الرئاسة العامة لتعليم البنات القديمة هو وراها على طول على شارع الامير فيصل بن ... ما ادري وش اسمه بس ما ادري عن جراحتهم بصراحة احيانا يمدحونهم واحيانا يسبونهم اعرف وحدة عطوها ابرة مسكن وهي عمرها 23 سنة يا عمري تعرفوا ما ادري اش سووا فيها وصار عندها تليف في الرحم يقولوا بسبب هالخطأ والبنت الحين لها تقريبا 6 شهور منومة في احد المستشفيات الحكومية المهم لا تتسرعي .. على فكرة اختي مو من الرياض وتراها سهلة لا تخافي المهم روحي لأحد مسويها كثييييييييييييييييير عشان ما تخافي والله يطمنك على ولدك