ولدي غير اجتماعي عندكم حل

السلام عليكم ورحمة الله وبركاته 

عندي طفل عمره 5سنوات بزبط اخوه اصغر منه ب3سنوات ما في اي انسجام أبدا مايبيه يلعب معاه ولا يشاركه بالعب الا اذا كان ألعاب بسيطه حطيته في الروضة هالترم عشان يندمج مع الأطفال الحمد لله عجبته الروضة وانبسط ولكن جاني اليوم يقول ما أحب الأولاد ما يلعبوني أقوله انت روح لهم  يقول لا ما احبهم ما يلعبوني ولدي ما فيه اي مشاكل الا انه عاش بيني وبين ابوه وكنا نخاف عليه لدرجه مايلعب مع احد لو احد خاصمه او بكاه نخاصم اللي خاصمه وتوي اعرف ان اسلوبنا غلط معاه بس كان من حبنا فيه وخوفنا عليه 

شفته مره بالروضة كان يلعب مع مجموعه أطفال وما انبسط لأنهم منسجمين مع بعض راح لحاله واحد من الأطفال يلحقه يبي يلعب معاه ويقرب منه وولدي مو معبر احد مع انه يبي يلعب مع الكل لما يشوفهم مبسوطين

المديرة تقول اصبري شهر لانه تو جديد على مجتمع الروضة وخايفه عليه ودي أتطور معاه بأسلوب عقلاني 

عندكم حل ، عندكم أطفال ومريتو بها الحالة 

أبغى شي يريحني من اليوم افهمه انه لازم اللعب الجماعي وكلكم أطفال تلعبون سوا 
وهو رافض 

جدا حزينه على حالته وانا وابوه السبب .