ياقلبي انتي والله مع اني ما اعرفك الا من خلال بعض الردود اللي شفتها لك بس احس انك عزيزة و غالية على قلبي و ولدك مره زعلانة عليه لانه بيذكرني باولادي و معاناتي معاهم بس الحمدلله بفضله تعالى وقفت لهم كل البخاخات قبل مايتمو سنتين و طبعا أخدت تهزيئة محترمه من دكتورهم اني وقفتها من راسي و بدون استشارته وقللي دحين حيتنكسو و يمرضو و حنرجعهم لهم تاني بس الحمدلله تعالى ما رجعت لهم ولا اتنكسو و تحسنو مرة ماشاء الله و أصلا البخاخات دي انا اكرهها لانها تضعف المناعه وتخرب الاسنان و تخليهم عصبيين و سبحان الله مرة كنت بعمل بحث في النت عن فوائد الشعير و لقيت مكتوب انه كويس مره لامراض الصدر و الحساسية و الربو و كمان و برضو الحلبه كمان تقوي المناعه و كويسه للحساسية بس طبعا ما لاحظت فرق مع الحلبه قد الشعير و الدكتور لما شاف انه مر 6 شهور على توقيفي للبخاخات و انهم ماشاء الله تبارك الله ما اتنكسو سألني انتي بتعطيهم شي ! قلت له ايوا بأكلهم حبوب شعير مسلوقه مع الخضار قللي الشعير مرة كويس لمشاكل الصدر بس انا كطبيب ما أقدر أوصف للناس وصفات عشبية ولازم كله يكون وصفات طبية
و حتى تضحكي قللي يومها انا من عندي اعطيتك شهادة الطب هههههههه و قللي بخبرتك دي مو محتاجه دراسه
يلا عاد حألبس الكوت الابيض و اعمل عليكم دكتوره خخخخخ بس والله ما جتني هالخبره الا بطلوع العين

ماشالله عليك يادكتوره نونه تستاهلي اللقب بكل جداره

بس المشكله الشعير مقدر استخدمه لأنه عنده اسهال

الله يشفية ويعافية

جزاك الله خير

لا بسكوته انتي ما تبدي بالشعير الا بعد ما يخرج من التعب اللي جاله دحين عشان تبدي تأكليه ياه أكل و للاسهال زي ماقلت لك أول ذوبي نشا في الموية و شربيه هو بالسرنقه و حطي في كل رضعة حليب ملعقة نشا الين يوقف ان شاء الله بس قولي لي ايش عامل معاكي في الأكل أكيد مسدودة نفسه حبيبي دحين الله يعافيه يارب



طوق


انا أشتريه من الدانوب من قسم المنتجات الحيوية الاورجانيك