ولدي في وادي والناس في وادي ثاني.. تنصحوني آخذه لدكتور نفسي

السلام عليكم خواتي

بدخل في الموضوع على طول

ولدي عمره 4 سنوات و4 اشهر... سلوكه غير طبيعي... ما شاء الله عليه ذكي بس ما يركز... حاليا هو سنة ثانية روضة
دخلته وهو صغير كان 3 سنوات وشهرين

الاولاد بالمدرسة ما شاء الله عليهم ممتازين وهو ما له مزاج عشان يركز، ولما ادرسه ما يهتم وجبت له مدرسه خاصة بالبيت والله انها طفشت منه وما عاد رجعت

تقول انه ما يركز ويمل بسرعة

رحت للمدرسة اليوم وسألت المعلمات عنه قالوا لي دايما في حاله وكسلان ويتبول لا ارادي مرتين او ثلاث باليوم
مع انه بالبيت ما شاء الله يقول انه يبغي يروح للحمام ونادرا ما يسويها بنفسه
وعملت له تحليل للبول والحمدلله ما عنده التهابات عشان يسويها في حاله

هو كان وحيد ما عنده اخوان ومن ست اشهر جاه اخ.. طبعه بالبيت ما شاء الله مزعج يلعب لحاله ويكسر العابه ويتخيل انه سوبر مان بس لما اكلمه ما يركز معاي ويكون انطوائي بالصف

صورته من موبايلي اليوم وهو بالصف وانا واقفه خارج الفصل، ولما زوجي شاف التصوير قال لي هو الوحيد اللي سلوكه مش طبيعي

شو تنصحوني

اخذه لدكتور نفسي ولا دكتور بتخصص ثاني يقدر يساعدني