مرة من المرات
بالليل الساعة 1 بالليل
قام ولدي (4سنين) يبكي
رحت له وجالسة اسأله وهو ويأشر على التلفزيون وانا ماانتبهت له واسأله: وش فيك
وهو يأشر
واحسبه يحلم
يوم لفيت للتلفزيون لقيت سبيس توون الله يدمرهم يعرضون فلم كرتون اظنه باتمان مدري وش هو المهم فيه وحش يحاصر حرمة بالشارع وهي تصيح وتهرب منه
بسرعة حطيت يدي على عيونه وقلبت للقناة اللي بعدها
وحطيت الريموت ورجعت اقول له : مافيه حاجة تخوف ليه تخاف؟
قام يأشر على التلفزيون ويصيح
واطالع مرة ثانية : لقيت اني قلبت على mbc3 وفيه فلم كرتون عن البور رينجرز وبرضو كلهم آليين ووحوش
وولدي قام من النوم اظن ووقعت عينه عليهم وصابه فزع
وجلس يبكي بصياح وخوف شديد عمره مابكى في حياته مثله
هدأته وسميت عليه ونام
من وقتها خلاص اتابع معهم القنوات اللي هي سبيس تون<< مدري ليه يحطون رعب بالليل : قلة عقل اكيد
والام بي سي 3
انا والله العظيم ماحطيتها لهم الا عشان توم وجيري
والا الباقي مايجلسون يتابعونه مشغولين باللعب
يااخوات انتبهوا لاولادكم
ممكن لقطة واحدة من هالافلام اللي تعرض تذهب عقولهم
كنت بفقد ولدي بليلة
بس الحمد لله
الله يحفظهم من سابع سماء
حبيت انبهكم لان الاغلبية ينامون ويتركون التلفاز شغال عند الاطفال
لكن الافلام الدموية والوحوش تعرض بالليل ومن تريد التأكد تسهر ليلة وتتابعه
الله يحفظ اولادنا ويستر عليهم بالدنيا والاخرة
❤غلا سامي❤ @ghla_samy_1
كبيرة محررات
يلزم عليك تسجيل الدخول أولًا لكتابة تعليق.
اختي غير ذهاب العقل ذهاب الحياء والاخلاق وانتبهي مرة اخرى سمي عليه ووعوذيه واقرئي له اذكار النوم وحفظيه
وانتي قلتي بات مان يحاصر حرمة بالشارع يعني حركات خادشة للحياء ويعلمونهم قلة الادب
ليش تتركون اطفالكم عند هذه القنوات اللتي تربيهم على اخلاق فاشلة حتى لهم قنوات اسلامية ونامي وانت مطئنة باذن الله لن يصيبه اي شي
وانا نزلت موضوع عن هذا الشان واتمنى تزورينه انت والاخوات هنا
وتتركون بصماتكم في موضوعي
حتى يستفيد الاخرين
الرابط
http://forum.hawaaworld.com/showthread.php?t=2352432
وانتي قلتي بات مان يحاصر حرمة بالشارع يعني حركات خادشة للحياء ويعلمونهم قلة الادب
ليش تتركون اطفالكم عند هذه القنوات اللتي تربيهم على اخلاق فاشلة حتى لهم قنوات اسلامية ونامي وانت مطئنة باذن الله لن يصيبه اي شي
وانا نزلت موضوع عن هذا الشان واتمنى تزورينه انت والاخوات هنا
وتتركون بصماتكم في موضوعي
حتى يستفيد الاخرين
الرابط
http://forum.hawaaworld.com/showthread.php?t=2352432
الصفحة الأخيرة
ضحكت لما قلتي مدري ليه يحطون الرعب اخر الليل
انا الحمد لله عيالي يتابعووون براااعم مافي رعب ابدااا
والساعه 10 او 11 يقفلووون ولدي يقول ينامون فديته