دااااااايما اقول لابو الشباب ولدنا فيه شيء بس هو يقول لا عادي ما فيه الا العافيه بقول مروا علي طلاب اكثر من كذا !!!
ولما اشوف طلابي احمد ربي ان ولدي احسن بوايد ....المشكله لسانه وااايد طويل يعني عادي يقولي اسكتي رغم انه ابوه ما يقولها لي
لما نروح فالسياره يهلكني غطي وجهك غطي وجهك ...
بس انا ولدي مدمن بلستيشن علشان كذا احسه عدواني ...
ما حضرت لالحلقه للاسف

اختي بنت المشايخي
الله يهديه يا رب ويصلحة لك اللهم آمين
حسيت بمعاناتك من جد واتمنى تحاولي لو انتي تودينه حتى لو ابوه رافض
قوليله انا بجرب مرة وحده وبس يمكن تلاقي نتيجة بعد الله

وبجد ممكن احد الاسباب البلاي ستيشن لان اغلب الالعاب عنيفة وقاسية
وممكن يكون متاثر باصحابة او اقارب عندهم اطفال مثله

واخواتي ردودكم اسعدتني يعطيكم العافية

الله يرزقك وكل من يتمنى بالذرية الصالحة إن شاء الله

لاني للاسف صرت اشوف كثير امهات عندهم اطفال اشقياء لدرجة ممكن يكسر بيتك وانتي ساكته وامه ساكته وللاسف معلمينهم الفاظ سيئة ولما نسألها نقولها مين علمه ترا غلط تقول يوووووووه طفل بزر بزر ما يفهم اذا كبر يفهم ويبطل يقولها !



يووووووووووووووووووووووه ياكثر اللي حولي من هيك نوعية والقهر إذا رحت الروضة قالت الأم غريبة ولدي/بنتي ماتسوي كذا كله من عيال عمها او عيال خالتها او ....... لا والله كل الأمهات اللي صادفتهم من الفئة المظلومة عيالها لا هذا غير اللي حولنا وحوالينا اللسان ينقط عسل والأطباع اللهم لك الحمد وإذا شافوني أعصب على عيالي على شي بسيط قالوا بتعقدينهم خلهم مؤدبين قدام الناس على الأقل ومحترمين اللي أكبر منهم وكل هذا تاج فوق رأسي صحيح أعصب على أمور تافهة أحيانا ً وأكبر الموضوع لكن بشهادة الكل الحمد لله عيالي المؤدبين بينهم والزلة البسيطة محسوبة عليهم هذولا أمانة ياناس واللي مو قد الأمانة لاتتعب نفسها تحمل وتولد وكل له شقاوة خاصة

من اول ما يبداء يمسك الاشياء وياكل ضروري تعليمه لما يكبر يصعب عليه جدا لانه ما تعود مثلا ولدي الله يحفضه من بداء ياكل او يمسك شي بيده اعلمه واحسسه باي شي يكون باصابعه بان امسح يده كل شوي بفوطه مبلوله ودايم هي جنبي واكتشفت بعد فتره ان اي شي يحسه بيده يتضايق ويبداء يبكي بشويش وي مد يده لي كانه يقول لي امسحي يدي لانه لسى ما يتكلم وارتحت بطريقه هذي ما عمره وصخ جدار او نفسه او طاوله او فرشه لانه على طول مجرد يحس بشي بيده يمدها لي ويدور علي لين يلقاني وهو يبكي ومادها ولما كبر عوته امسحه بالفاين وامسك يده واوديه لين الزباله بعدين اخليه هو الي يرميه والله صار على طول يرمي بزباله وحتى لما احد عندنا ويشوف فاين مرمي يلقطه ويرميه وكانو جاراتي يسمون عليه الحين كبر ومازل مساعدني بنفسه بكل شي طبعا تحت اشرافي هو صح تعب في البدايه بس بيريح في النهايه

الله يسعدك اختي بنت من هناك بردك وذكر تجربتك الله يفرحك في اولادك يا رب
وتربيتك الصالحة لهم

للاسف ما احس الحريم يتعااملوا بهذا المنطق
كلكم راع وكل مسؤول عن رعيته !

دايما دايما اسمع كلمة
ليه حرااااام
صغير ما اقدر اقوله عيب
ما يفهم باقي صغير

الشقاوة الطبيعية ما عليها كلام نشوف الاطفال اذا لعبوا وانبسطوا وامهاتهم منتبهين لهم

الآن صار الاطفال يتحرشوا يعني يفهم يتحرش وما يفهم تقوله امه عيب ولا تسوي كذه ياماما
تراها كلمتين بسيطة بس تعوده يفرق بين الصح والغلط


طيب اليوم صغير بكره يكبر وهو متعود على اللي يسويه في الصغر صح






اختي بنت ابوها وبتحبوها يا قلبي عليكي ههههههههه
لمستي الوتر الحساس عندي فيما يتعلق بالنظافة وتعويد الاطفال عليها