ولدي كبير وخواف!!!

اهلين اخواتي
جايه اليوم اقولكم قصة ولدي صحيح متاخره بطلب الحل بس ان شاءالله تفيدوني

ولدي عمره 10 سنوات من هو صغير وهو خواف لحد الان والسبب مني من كثر خوفي عليه مااخليه يروح بعيد عني ولااخليه يجتمع مع احد من خوفي عليه
ولما دخل الكيجي حسيت انو انطوائي مايحب يلعب مع الاطفال وازا حب يلعب يختار صديق واحد وبس
اشوفه دايما يستحي ينزل راسه من اي شخص يقابله
ودايما يقولي ماعندي اصدقاء
اقوله انت ابدا صادق الناس ومن هالكلام
عندي في البيت شقي مره وعند الناس هادي مره
مؤدب ماشاءالله بس المشكله الان بالمدرسه مايبغي هاليومين يدخل الفصل يقول ماابي ادرس ومرات يقول انا خايف السواق ينساني ولايجي ياخذني تكلم معه الاخصائي الاجتماعي يقول ولدكم فيه حاله نفسيه
بصراحه انصدمت يعني مريض نفسي او كيف
كيف اودي الخوف منه حتي البقاله ماارسله من خوفي عليه احنا بزمن يخوووف واحس معايه حق واللي انا غلطانه
كيف ابعد الخوف عنه
بس اهم شي ماارسله بقاله او يروح مكان لوحده انتم تسمعون بقصص الخطف
ياليت احصل عندكم جواب فديتكم