ولدي له اكثر من 5 ايام والحراره عاليه

اولا اسأل الله العلي القدير انه يشفي ولدك ويحفظه لك ويشفي كل مسلم.
بالنسبه للحراره اختي ما اظن ابدا انها ترتفع من دون سبب، الحراره ما ترتفع الا اذا كان فيه التهاب
واحيانا الالتهاب يكون خفيف ولا يبين مع الاطباء.
اذكر احد اخواني جلست معه الحراره اسبوعين وتبين بالأخير ان عنده التهاب بالأمعاء ولكن السبب الرئيسي للحراره كان فقر الدم الشديد والضعف العام ونقص السوائل بالجسم ولانه كان ينقصه بعض الفيتامينات، نوموه بالمستشفى واعطوه مغذي والفيتامينات الناقصه عن طريق الوريد والحمدلله تحسن.
وانا سمعت يا اختي انه طالما كانت اطراف الطفل غير بارده اثناء ارتفاع الحراره فانه باذن الله ماعليه خطر.
بالنسبه لتحاميل الفولتارين هي فعلا قويه واذا ما جابت نتيجه ، انصحك توديه لطبيب اخر، يمكن فيه التهاب ما بان مع الطبيب الاول والالتهاب ما راح يزول الا بمضاد باذن الله.
وابي اقول لك على طريقه وحده من قريباتي اذا ارتفعت حراره احد اطفالها:
تقول كنت اعطي الطفل تحميله كل ست ساعات وبين الست ساعات اعطيه شراب..
مثلا: تحميله الساعه 12 الظهر وبعدين تعطي الطفل شراب خافض الساعه 3,30 او 4 العصر والساعه 6 تحميله و 9,30 او 10 شراب وهكذا... وباذن الله تسيطر على الحراره.
حتى اني سمعت هالطريقه من وحده ثانيه بس للامانه ما جربتها.
اتمنى اني اكون افدتك والله يشفي ولدك ويعافيه.

الله يشفيه ان شاء الله0 ومثل ماقالت اختى ام &امز الحراره سبب لشي ووديه دكتور ثانى لزياد الاطمنان وربي يشافيه ان شاء الله00
طيب اكتبى سوال بقسم عياده الاطفال ممكن الدكتوره تفيدك بشي00
وطمنيينا عنه ياغاليه قدامه العافيه بأذن الله00

ام اند امز

ياعمري عليك بردتي قلبي بردك الوافي كل كلامك سليم وفعلا هو يشتكي من حلقه بدات تظهر الاعراض
وهو فعلا عنده نقص تغذيه ونقص فيتامينات هذا الظاهر ونحيف بشكل يروع وفقر دم بسيط 11 ونص

اما من ناحية الاطراف بارده فهي بارده للاسف وبالذات اذا ارتفعت حرارته
والتناوب بالشراب والتحاميل هذا اللي اسويه تماما الشراب مايسوي شي ابدااااااا
اليوم بروح اراجع فيه وباروح مستشفى ثاني اشوف رايهم والمشكله غير صياحه متعقد من الابر مايبغى يروح مستشفى ابداااااا

الله يعطيك العافيه على ردك

الله يشفيه ان شاء الله0

مايشوف شر يارب ..واكيد يحتاج مضاد حيوي ..طالما الحراره شديده ..
طمنينا عليه الله يحفظه لك ..