بنتي اصغر من ولدك إن شاء الله طريقتي معها تفيدك انا قبل ما اشيل عنها الحفاظة بأربع شهور تقريبا وانا دايما اكلمها عن النظافة من تحت وإن الحفاظة تخلي ريحتنا مو حلوة وانا البنات الحلوات الشاطرات مايلبسونها لين ما صارت تتجاوب معايا وقلت لها بنسوي اتفاق نرمي كيس الحفايظ في الزبالة وانتي بكرامة ووافقت ورميناه واول يوم استوعبت ماشاء الله بس مرتين تسوي بول على ملابسها وكانت تعتذر وتشاركني غسل المكان وانا كنت أقولها معليش عشان اول يوم بكرى ماراح تسوي على نفسك أبدا وفعلا من ثاني يوم خلاص كان عندي موعد مستشفى وفهمتها انو راح نطلع وكذا والحمد لله مرت على خير وثالث يوم طلعتها اشتريت لها داخليات حلوة بشخصيات كرتونية تحبها وبعدها صرت اعلمها كيف تغسل نفسها بشكل صحيح والحمد لله ماشاء الله عليها ما عذبتني

انا أؤمن بالحوار مع الطفل اي شي ابغاها تتعلمه او راح نطلع دايما اكلمها كأنها كبيرة وشفت كثير يستخدمو اسلوب إذا راحت الحمام لها هدية او حلويات ما حبيته صراحة لأني ابغاها تعرف انو النظافة شي واجب عليها مو إنجاز تاخذ عليه مكافأة