ولدي ماطلع له ولااا سن بيكمل العاشر ...؟؟

عادي يختلف من طفل لطفل ظهور الاسنان بعض عيالي بعد السنة وبعضهم قبل مافيه اي مشكله

فديت قلبه

لاتخافين ولدي على نهاية الشهر ١١ طلع له سنين تحت وبعدها باسبوعين سنين فوق

انا ولدي بيكمل السنة بعد كم يوم ولا طلع له ولا سنة

تخيلي من الشهر السادس وانا اعطيه كالسيوم وفيتامين د

طبعا تحت اشراف الدكتورة ، لانه عنده نقص كالسيوم

بنتي كملت سنه وثلاث شهور ولاطلع لها ولاسن

ولما شفت الناس حولي متفاجئين منها .. بصراحه خفت حيل على أمورتي

وحرصت أزيد عليها بالتغذيه كنت أرضعها طبيعي وصرت أعطيها بزياده حليب المراعي الطازج يوميا أشتري لها علبتين اصغر حجم وأدفيه لها وتشربه أحيانا ترفضه وتشرب أقل من ربع الكوب ومع الأيام تقبلته ... وغيرت مكان جلستنا المعتاد إلى غرفه ثانيه تسطع عليها الشمس .. حطيت فيها تلفزيون وصرنا على طول نجلس فيها وخصوصا فترة العصر بعد الرابعه عصرا أحرص انها تجلس في المكان المشمس ... وتشاهد طيور الجنه وقناة سمسم .... ويوميا أعطيها جبنة كيري تاكلها مرتين أوثلاث مرات حسب شهيتها غالبا ماتاكل إلا وحده في اليوم ... والبيض أحرص انها تاكله كل صباح وكانت ترفضه واخلطه لها مع شوي دقيق وأخبزه على شكل اقراص صغيره .. وأحيانا أخلط البيض مع التوست واقليه بشوية زيت ... استمريت على هالبرنامج شهر والحمدلله طلعت اسنانها

على فكره ترى فيتامين دال والكالسيوم الصناعي ماراح يفيدون ضررهم اكبر

خليك على الاشياء الطبيعيه افضل


حملي من النت كتاب ( أنا وطفلي والطبيب) راح يفيدك كثير بإذن الله مثل مااستفدت منه